ઓલ ઈન્ડિયા મહિલા કોંગ્રેસની અધ્યક્ષ રહી ચૂકી સુષ્મિતા દેવે કોંગ્રેસ સાથે સંબંધ તોડ્યો છે.
સુષ્મિતા દેવે કોંગ્રેસ સાથે સંબંધ તોડ્યો
સીટ વહેંચણીને લઈને નારાજગી વ્યક્ત કરી હતી
સુષ્મિતા દેવે રવિવારે પાર્ટીમાંથી રાજીનામુ આપી દીધુ
સુષ્મિતા દેવે કોંગ્રેસ સાથે સંબંધ તોડ્યો
સુષ્મિતા દેવે કોંગ્રેસ સાથે સંબંધ તોડ્યો છે. પહેલા તેમણે પાર્ટીનું વ્હોટ્સએપ ગ્રુપ છોડ્યું. એ બાદ હવે તેમણે ટ્વિટરના બાયોમાં પોતાને કોંગ્રેસના પૂર્વ નેતા ગણાવ્યા છે. તેમણે પાર્ટીની અંતરિમ અઘ્યક્ષ સોનિયા ગાંધીને પોતાનું રાજીનામું મોકલી આપ્યું છે. ઉલ્લેખનીય છે કે લાંબા સમયથી તેઓ પાર્ટીથી નારાજ રહ્યા હતા. આસામ વિધાનસભા ચૂંટણી દરમિયાન તેમની નારાજગીના સમાચાર સતત આવતા રહ્યા હતા.
સીટ વહેંચણીને લઈને નારાજગી વ્યક્ત કરી હતી
માર્ચ મહિનામાં તો આસામ પ્રદેશ કોંગ્રેસ કમિટીએ સુષ્મિતા દેવના રાજીનામાની અટકળોને ફગાવવી પડી હતી. તેમણે સીટ વહેંચણીને લઈને પોતાની નારાજગી વ્યક્ત કરી હતી.
સુષ્મિતા દેવે રવિવારે પાર્ટીમાંથી રાજીનામુ આપી દીધુ
કોંગ્રેસની મહિલા વિંગના પ્રમુખ સુષ્મિતા દેવે રવિવારે પાર્ટીમાંથી રાજીનામુ આપી દીધુ. પાર્ટી અધ્યક્ષ સોનિયા ગાંધીને લખેલા એોક સંક્ષિપ્ત પત્રમાં પૂર્વ સંસદ સભ્યએ કહ્યું કે તે પાર્ટીની પ્રાથમિક સભ્યતા પરથી રાજીનામું આપી રહી છે. પરંતુ કોઈ ખાસ કારણ નથી જણાવ્યું.
સુષ્મિતા દેવ તૃણમુલ કોંગ્રેસમાં જોડાઈ શકે છે
તેમણે કહ્યું કે હું ભારતીય રાષ્ટ્રીય કોંગ્રેસની સાથે પોતાના ત્રણ દશક લાંબા સંબંધને સમજુ છું. તમને મને જે માર્ગદર્શન આપ્યું અને જે તક આપી તે માટે હું વ્યક્તિગત રીતે તમારી આભારી છું. દેવ દિવંગત કોંગ્રેસી સંતોષ મોહન દેવની દીકરી છે. 2014માં પહેલી વાર સિલચરની પારિવારીક સીટ પરથી સંસદ પહોંચ્યા હતા. સૂત્રો દ્વારા મળતી જાણકારી મુજબ સુષ્મિતા દેવ તૃણમુલ કોંગ્રેસમાં જોડાઈ શકે છે. તેવી ચર્ચા ચાલી રહી છે.