નુકસાન / અદાણી અંબાણીને મોટો ફટકો, સંપતિમાં એકઝાટકે અબજો રૂપિયાનો ઘટાડો, ટોપ-10 અમીરોની યાદીમાં ક્રમ ગબડ્યો

• અંબાણી-અદાણીને છેલ્લા 24 કલાકમાં મોટું નુકસાન
• મુકેશ અંબાણીને $1.82 બિલિયનનું નુકસાન 
• ગૌતમ અદાણી પણ ટોપ-10 અમીરોમાંથી 9માં નંબરે પહોંચ્યાં 

વિશ્વના ટોપ-10 ધનિકોની યાદીમાં સ્થાન મેળવનાર અંબાણી-અદાણીને છેલ્લા 24 કલાકમાં મોટું નુકસાન થયું છે. જેને લઈ બંનેની નેટવર્થ $100 બિલિયનની નીચે આવી ગઈ છે. આજે બપોર સુધીમાં રિલાયન્સ ઇન્ડસ્ટ્રીઝના ચેરમેન મુકેશ અંબાણીને $1.82 બિલિયનનું નુકસાન થયું છે. આ ઘટાડા બાદ અંબાણીની સંપત્તિ ઘટીને $99.3 બિલિયન થઈ ગઈ છે. 

 
મુકેશ અંબાણી એશિયાના સૌથી અમીર વ્યક્તિ 

રિલાયન્સના શેરમાં ઉછાળાના બળ પર મુકેશ અંબાણી ફરી એશિયાના સૌથી અમીર વ્યક્તિ બની ગયા છે. તેમ છતાં તેમનું વર્ચસ્વ ચાલુ છે, તેમની નેટવર્થમાં ફરી ઘટાડો થયો છે. હાલમાં ટોચના અમીરોની યાદીમાં અંબાણી આઠમા સ્થાને આવી ગયા છે.

ગૌતમ અદાણી ટોપ-10માંથી 9માં નંબરે પહોંચ્યાં 

ભારતીય ઉદ્યોગપતિ ગૌતમ અદાણીએ આ વર્ષની શરૂઆતથી જ વિશ્વના અન્ય અમીરોને પછાડીને ઘણી કમાણી કરી છે, પરંતુ છેલ્લા કેટલાક સમયથી તેમની સંપત્તિમાં સતત ઘટાડો જોવા મળી રહ્યો છે. અદાણીને પણ ભારે નુકશાન થતાં એપ્રિલ સુધી તે ટોપ-10 અમીરોમાં પાંચમા સ્થાને હતા જે હવે નવમાં સ્થાન પર પહોંચી ગયા છે. 
 

આ તરફ અન્ય ટોચના અમીરોની વાત કરીએ તો, ટેસ્લા અને સ્પેસએક્સના માલિક એલોન મસ્ક નંબર વન પર છે. છેલ્લા 24 કલાકમાં તેમની નેટવર્થ $2.10 બિલિયન વધીને $216 બિલિયન થઈ ગઈ છે. આ પછી એમેઝોનના જેફ બેઝોસ પણ બીજા સ્થાને છે. તેમની નેટવર્થ $1.84 બિલિયન ઘટીને $145 બિલિયન થઈ ગઈ છે.