ફેરફાર / આ 1 નિયમમાં ફેરફાર થતા વધી ડ્રેગનની મુશ્કેલી ભારતે કર્યુ હવે આવું...

• ચીનને વધુ એક ઝટકો
• ભારતે GFRમાં કર્યા ફેરફાર
• સરકારી ટેન્ડરમાં ચીનને પડશે મુશ્કેલી

ભારત સરકારે GFRમાં ફેરફાર કરવાના કારણોસર હવે સરકારી ટેન્ડરમાં ચીની કંપનીઓની મુશ્કેલી વધી જશે.  ચીનની કંપનીઓએ ટેન્ડરમાં ભાગ લેવા માટે કડક નિયમોનું પાલન કરવું પડશે. જેમાં ટેન્ડરમાં ભાગ લેવા માટે ચીની કંપનીઓએ પોલિટિકલ સિક્યુરિટી ક્લીયરન્સ લેવું જરૂરી થઈ જશે. આ ક્લીયરન્સ ગૃહ અને વિદેશ મંત્રાલય પાસેથી મેળવવાનું રહેશે.

વિદેશ અને ગૃહમંત્રાલય પાસેથી મંજૂરી જરૂરી

તેમાં કહેવાયું છે કે રજિસ્ટ્રેશનને માટે યોગ્ય પ્રાધિકરણ ઉદ્યોગ સંવર્ધન અને આંતરિક વ્યાપાર વિભાગ દ્વારા નક્કી કરાયેલી સમિતિ હશે. તેના માચે વિદેશ અને ગૃહમંત્રાલયની સુરક્ષા મંજૂરી અનિવાર્ય રહેશે. 

આ દરેક માટે મંજૂરી જરૂરી

આદેશમાં જાહેર કરાયા અનુસાર સાર્વજનિક ક્ષેત્રની બેંકો અને નાણાંકીય સંસ્થાઓ, સ્વાયત્ત સંસ્થાઓ, સાર્વજનિક કે ખાનગી ભાગીદારી વાળી પરિયોજનાઓને પણ તેમાં સમાવવામાં આવી છે. 

રાજ્યોને માટે પણ જાહેર કરાયો આદેશ

નિયમમાં જણાવાયું છે કે દેશની રક્ષા અને સંરક્ષણમાં રાજ્ય સરકારોની મહત્વપૂર્ણ ભૂમિકા છે. ભારત સરકારએ રાજ્ય સરકારોના મુખ્ય સચિવોને પત્ર લખ્યો છે, જેમાં બંધારણની કલમ 257 (1) નો ઉપયોગ કરીને રાજ્ય સરકારો અને રાજ્યની ઉપક્રમો વગેરેની ખરીદીના મામલામાં અમલીકરણ અંગે છે. આ નિયમમાં કેટલાક કેસમાં છૂટ પણ આપવામાં આવી છે.