કોરોના વાયરસનો કહેર દેશ અને દુનિયામાં જોવા મળી રહ્યો છે. કોરોના વાયરસને ફેલાતો રોકવા માટે લોકોને ઘરમાં રહેવાની સલાહ આપવામાં આવી રહી છે. સ્કૂલ અને કોલેજમાં રજાઓ જાહેર કરી દેવામાં આવી છે. ઘણી ઑફિસમાં વર્ક ફ્રોમ હોમ કરવાની પરવાનગી આપવામાં આવી છે.
એવામાં મહારાષ્ટ્ર સરકારે નવી પહેલ શરૂ કરી છે. મહારાષ્ટ્ર સરકારે કોરોના વાયરસના શંકાસ્પદ જોખમને ધ્યાનમાં રાખીને પોતાના ઘરમાં ક્વૉરન્ટીન થઇ રહેલા લોકોને માર્ક કરવાનો નિર્ણય કર્યો છે. ત્યારે બોલિવુડના મહાનાયક અમિતાભ બચ્ચને એક ફોટો શૅર કર્યો છે. જેમાં તેમના હાથ પર હોમ ક્વોરન્ટીન નો થપ્પો લાગેલો છે.
T 3473 - Stamping started on hands with voter ink, in Mumbai .. keep safe , be cautious , remain isolated if detected .. pic.twitter.com/t71b5ehZ2H
મંગળવારે મોડી રાત્રે બિગ બીએ ટ્વિટર પર એક ફોટો શૅર કર્યો છે. આ ફોટો શૅર કરતા બિગ બીએ કહ્યુ કે, ''મુંબઇમાં વોટર ઇન્કથી હાથમાં મહોર લગાવાઇ છે. સુરક્ષિત રહો. સાવચેત રહો. જો સંક્રમિત હોવ તો આઇસોલેશનમાં રહો.''
T 3468 - Concerned about the COVID 19 .. just doodled some lines .. in verse .. please stay safe .. 🙏 pic.twitter.com/80idolmkRZ
અમિતાભ બચ્ચન કોરોના વાયરસને લઇને સોશ્યલ મીડિયા પર સતત લોકોને જણાવી રહ્યા છે. તેમણે તાજેતરમાં જ કવિતા લખી હતી. કોરોના પર લખેલી કવિતા તેમણે પોતાના સોશ્યલ મીડિયા એકાઉન્ટ પર સંભળાવી હતી, આ સિવાય રવિવારે તેમના ઘરની બહાર થતી ફેન મીટને પણ કેન્સલ કરી હતી. અને લોકોને પોતાના ઘરે રહેવાની સલાહ આપી હતી.