કેબીસીનાં એક એપિસોડમાં ઇકોનોમિસ્ટ ગીતા ગોપીનાથ અંગે પૂછવમાં આવેલ સવાલમાં બચ્ચને ગીતાની સુંદરતાનાં વખાણ કર્યાં અને પછી ટ્વિટર પર લોકો તેમની ટીપ્પણી પર ભડક્યા, જાણો લોકોએ શું કીધુ...
બીગ બીની કમેન્ટથી ભડક્યા ટ્વિટર યૂઝર્સ
બચ્ચને ઇકોનોમિસ્ટ ગીતા ગોપીનાથની સુંદરતાનાં કર્યા વખાણ
સદીનાં મહાનાયક અમિતાભ બચ્ચનનાં શો કૌન બનેગા કરોડપતિની 12મી સિઝનને લોકો ખૂબ પસંદ કરી રહ્યાં છે. જેમાં હાલમાંજ એક એપિસોડમાં અમિતાભ બચ્ચને કન્ટેસ્ટંટને ઈન્ટરનેશનલ મોનેટરી ફંડ (IMF)ની ચીફ ઇકોનોમિસ્ટ ગીતા ગોપીનાથ સાથે સંકળાયેલ એક સવાલ પુછ્યો હતો. તે દરમિયાન બચ્ચને ગીતાની સુંદરતાનાં વખાણ કર્યાં હતા, પણ અમુક ટ્વિટર યૂઝર્સને બીગ બીની આ કમેન્ટ પસંદ ના આવી અને તેને સેક્સિસ્ટ કમેન્ટ કર્યાનો આરોપ લગાવવા લાગ્યા.
ગીતા ગોપીનાથે વીડિયો શેર કરીને કહ્યું હું આને ક્યારેય ભૂલી નહીં શકુ
ગીતા ગોપીનાથે શો નો એક વીડિયો શેર કર્યો છે. જેમાં અમિતાભ ગીતા સાથે સંકળાયેલ સવાલ પુછતા જોવા મળે છે. જેમાં અમિતાભ બચ્ચન કહે છે કે, "ઈતના ખૂબસુરત ચેહરા ઇનકા, ઇકોનોમી કે સાથ કોઈ જોડ હી નહીં સકતા." ગોપીએ તે વીડિયો પોસ્ટ કરીને કેપ્શનમાં લખ્યુ કે "મુઝે નહીં લગતા કે મેં ઈસે કભી ભૂલ પાઉંગી, મેં અમિતાભ બચ્ચન કી બહોત બડી ફેન હું. યહ બહુત ખાસ હૈ."
બચ્ચનની ટીપ્પણી પર યૂઝર્સે કર્યાં તેમને ટ્રોલ
ગીતાનાં આ ટ્વિટ પર રિપ્લાય કરતા અમિતાભ બચ્ચનને લખ્યું કે "થેંક્યૂ ગીતા ગોપીનાથજી. મેંને શો મેં આપકે બારે મેં જો બોલા હૈ, વહ બહુત ઈમાનદારી સે કહા હૈ." જોકે બચ્ચનની આ ટીપ્પણી પણ યૂઝર્સને પસંદ નહોતી આવી. યૂઝર્સે બીગ બીને ટ્રોલ કરવાનાં શરૃ કરી દીધા. એક યુઝરે લખ્યું, ખૂબ દુખ થયુ આમણે ફક્ત તમારા લૂક્સનાં જ વખાણ કર્યાં. તમારી ઉપલબ્ધી પર તેમનું ધ્યાન ના ગયુ. હું દાવા સાથે કહું છું કે સ્ક્રિન પર રઘુરામ રાજન અથવા કૌશિક બસુ હોતતો તેઓ આવુ ના કહેતા. બીજા યૂઝરે લખ્યું કે, તમને નથી લાગતુ કે અહીં સેક્સિસ્ટ થઈ રહ્યું છે. આટલો સુંદર ચહેરો અને ઇકોનોમી, એનો શું મતલબ છે. બીજા એક યુઝરે લખ્યું, ઘણી મહિલાઓ ઇકોનોમિક્સમાં છે જે સુંદર છે. બચ્ચનને કો-એડ ઇકોનોમિક્સ સંસ્થાનોમાં જવાની જરૃર છે.
શું હતો સવાલ ?
આ ચિત્રમાં જોવા મળતી અર્થશાસ્ત્રી 2019નાં કયા સંગઠનની ચીફ ઈકોનોમિસ્ટ છે ?
એ. વિશ્વ બેન્ક
બી. વિશ્વ વ્યાપાર સંગઠન
સી. ન્યૂ ડેવલપમેન્ટ બેન્ક
ડી. આંતરાષ્ટ્રીય મુદ્રા કોષ
સાચો જવાબઃ આંતરરાષ્ટ્રીય મુદ્રા કોષ
ગીતા ગોપીનાથે 2019માં આઈએમએફને મુખ્ય અર્થશાસ્ત્રી તરીકે જોઈન કર્યું હતું
ઉલ્લેખનીય છે કે, ગીતા ગોપીનાથને આઈએમએફને મુખ્ય અર્થશાસ્ત્રી તરીકે વર્ષ 2019માં જોઈન કર્યું હતું. તે આ પોસ્ટ પર પહોંચનારી પહેલી મહિલા છે. તે આઈએમએફની 11મી ચીફ ઇકોનોમિસ્ક છે, આ પોસ્ટ પર પહોંચનારી તે બીજી ભારતીય છે. તેનાં પહેલા આરબીઆઈનાં પૂર્વ ગવર્નર રઘુરામ રાજન પણ આ પદ પર રહી ચૂક્યા છે.