Gujarat Budget / ગુજરાત સરકારની રોજગારીને લઈને મોટી જાહેરાત, જાણો આગામી 5 વર્ષમાં કેટલી ભરતી થશે

• રાજ્ય સરકારે નવી ઉદ્યોગનીતિ જાહેર કરી
• વધુ રોજગારીના નિર્માણનું સરકારનું લક્ષ્ય
• ઔધોગિક વિકાસને સાનુકૂળ વાતવરણ પુરૂ પાડવાનો પ્રયાસ

નાણામંત્રી નીતિન પટેલ દ્વારા વિધાનસભામાં ગુજરાતનું બજેટ રજૂ કરવામાં આવ્યું છે. જેમાં યુવાનોને આકર્ષવા માટે રોજગાર ક્ષેત્રે કેટલીક જાહેરાતો કરાઈ છે. સરકાર દ્વારા આગામી 5 વર્ષમાં અનેક ક્ષેત્રે નવું રોજગાર ઉભું કરવાની જાહેરાત કરાઈ છે. જેમાં સરકારની જાહેરાત પ્રમાણે અંદાજે 2 લાખ યુવાનોને તક પ્રાપ્ત થશે. આ ભરતી અલગ અલગ સેક્ટરમાં યોજાશે. સરકારી વિભાગો, મહાનગરપાલિકા અને પાલિકા, ગ્રાન્ટેડ સંસ્થા, સ્થાનિક સ્વરાજની સંસ્થાઓનો સમાવેશ થાય છે. 

ગૃહ વિભાગ માટે 7960 કરોડની જોગવાઈ

• ગૃહ વિભાગમાં 3020 નવી જગ્યાઓ ઉભી કરાશે
• ACBમાં 199 નવી જગ્યાઓ ઉભી કરાશે
• એન્ટી હ્યુમન ટ્રાફિકિંગ યુનિટમાં 147 નવી જગ્યાઓ
• રાજકોટમાં ટ્રાફિક શાખા માટે 184 નવી જગ્યા પડશે
• સાયબર સુરક્ષાના આશ્વસ્ત પ્રોજેક્ટ માટે 112 નવી જગ્યા
• રાજ્યાંમાં 12 નવા પોલીસ સ્ટેશન માટે 653 નવી જગ્યા
• સુરત શહેર માટે વિવિધ સંવર્ગની 936 જગ્યાઓ
• સુરત શહેરમાં 4 નવા પોલીસ મથક માટે 300 નવી જગ્યા

તો આ સાથે આગામી 5 વર્ષમાં ફાર્મા વિભાગ, મેન્યુફેક્ચરિંગ, એન્જિનિયરિંગ, IT, બેન્કિંગ જેવા મહત્વના વિભાગમાં પણ આશરે 20 લાખ રોજગારી ઉભી થવાની જાહેરાત કરાઈ છે.  નાણામંત્રી નીતિન પટેલ દ્વારા વિધાનસભામાં ગુજરાતનું બજેટ રજૂ કરવામાં આવ્યું છે. બજેટમાં ઉદ્યોગ અને ખાણ વિભાગ માટે રૂપિયા 6,599 કરોડની જોગવાઇ કરવામાં આવી છે. રાજ્ય સરકારે નવી ઉદ્યોગનીતિ જાહેર કરી છે.

રાજ્યમાં વધુ રોજગારીનું નિર્માણનું સરકારનું લક્ષ્ય છે. સાથે જ ઔધોગિક વિકાસને સાનુકૂળ વાતવરણ પુરૂ પાડવાનો પ્રયાસ કરવામાં આવ્યો છે. અને ઇઝ ઓફ ડુંઇગ બિઝનેશની દિશામાં ગુજરાત આગળ વધ્યું છે. આ બજેટમાં ટેક્સટાઇલ ઉદ્યોગો માટે રૂપિયા 1500 કરોડ, MSME એકમ પ્રોત્સાહન માટે રૂપિયા 1500 કરોડ, રોજગારી સહાય માટે એકમો માટે રૂપિયા 962 કરોડ અને કુટિર અને ગ્રામોધોગ માટે રૂપિયા 578 કરોડની જોગવાઇ કરવામાં આવી છે.

રાજ્યમાં બે મેગા ટેક્ષટાઇલ પાર્ક સ્થાપવાનું આયોજન પણ કરાયું છે. સાથે જ ફાર્મા સેક્ટરને વધુ મજબૂત બનાવવામાં આવશે. ભરૂચના જંબુસરમાં બલ્ક ડ્રગ ઇન્ડસ્ટ્રીયલ પાર્ક સ્થપાશે. રાજકોટ ખાતે મેડીકલ ડીવાઇસ ઇન્ડસ્ટ્રીયલ પાર્ક સ્થપાશે. જ્યારે સ્ટાર્ટ અપ અને ઇનોવેશન માટે રૂપિયા 20 કરોડ, ક્વોલિટી અને લેબ ટેસ્ટિંગ કલસ્ટર યોજના માટે રૂપિયા 14 કરોડની જોગવાઇ કરવામાં આવી છે. આ સાથે જ 9 જિલ્લામાં નવી ઔધોગિક વસાહતો બનાવવાનું આયોજન કરાયું છે. બનાસકાંઠાના જલોત્રા, જામનગરના શેખપાટ ખાતે GIDC બનાવાશે. 7 GIDCને મોડેલ એસ્ટેટ તરીકે વિકસાવવામાં આવશે.

ઇતિહાસનું સૌથી મોટું બજેટ

ઇતિહાસનું સૌથી મોટું બજેટ નાણામંત્રી નીતિન પટેલે 2021-22નું રજૂ કર્યું છે તે ઇતિહાસનું સૌથી મોટું બજેટ છે. નીતિન પટેલે કુલ 2 લાખ 27 હજાર 29 કરોડનું બજેટ રજૂ કર્યું છે જેમાં કૃષિ વિભાગ માટે 27 હજાર 232 કરોડ અને શિક્ષણ વિભાગ માટે 32 હજાર 719 કરોડની જોગવાઈ કરવામાં આવી છે. સાથે આરોગ્ય અને પરિવાર કલ્યાણ માટે 11 હજાર 323 કરોડ તથા મહિલા અને બાળ વિકાસ વિભાગ માટે 3 હજાર 511 કરોડ ની જોગવાઈ કરવામાં આવી છે.

બજેટ રજૂ કરતાં પહેલા કોરોનાકાળમાં સરકારે કરેલા કામોના કર્યા વખાણ

ગુજરાતના બજેટને રજૂ કરતાં પહેલા નીતિન પટેલે આજે કોરોના કાળમાં ગુજરાત સરકારે કરેલા કામ ગણાવ્યા હતા. નીતિન પટેલે કહ્યું કે, રાજ્યના બધા જ જિલ્લાઑમાં વ્યવસથા ઊભી કરવામાં આવી. તેમણે કહ્યું કે કેટલાક રાજ્યોમાં તંબુઑ બાંધવા પડ્યા અને સ્ટેડિયમમાં દર્દીઑ રાખવા પડ્યા હતા .પરંતુ ગુજરાતમાં ખૂબ મોટી વ્યવસ્થા ઊભી કરવામાં આવી અને તે બદલ વિજય રૂપાણીનો આભાર માનું છું. આવું સુંદર આયોજન આખા ભારતમાં માત્ર ગુજરાતમાં થયું છે.

નીતિન પટેલે કહ્યું કે, વડાપ્રધાન મોદીએ સતત માર્ગદર્શન આપ્યું હતું અને તેમાં તેમણે આયુર્વેદિક દવાઓ પર ભાર મૂક્યો હતો અને તે માટે અમે કરોડો લોકોને ઇમ્યુનિટી માટે પડીકી અને ઉકાળા આપ્યા.