સારા સમાચાર / અમદાવાદ માટે CM રૂપાણીની મોટી જાહેરાત, મલ્ટીલેવલ પાર્કિગથી લઈને રોડ સુધી જુઓ કયા કામો કરાશે

• વિવિધ વિકાસના કામો માટે 702 કરોડની ફાળવણી
• રોડ રિસરફેસીંગ,માઇક્રો સરફેસીંગ,સ્ટ્રોમ વોટરનું કામ કરાશે
• ડ્રેનેજ,સ્યુએજ ટ્રીટમેન્ટ પ્લાન્ટના કામ માટે પણ ફાળવણી

મુખ્યમંત્રી વિજય રૂપાણીએ અમદાવાદ મહાનગર પાલિકા વિસ્તારમાં વિવિધ વિકાસ કામો માટે 702 કરોડ રૂપિયાની ફાળવણી કરવાનો નિર્ણય કર્યો છે. મુખ્યમંત્રીએ મ્યુનિસિપર્લ ડેવલપર્સ પાસેથી શહેરના વિકાસ અંગેના અભિપ્રાયો મેળવી શહેરમાં અનેક વિકાસના કાર્યો માટે 702 કરોડ ફાળવવાની મોટો નિર્ણય લીધો છે. આ રકમ સ્વર્ણિમ જ્યંતિ મુખ્યમંત્રી શહેરી વિકાસ યોજના અંતર્ગત અમવાદ મહાનગરપાલિકાના વિકાસના કામો અર્થે ફાળવાવમાં આવી છે.

શહેરમાં વિવિધ વિકાસ કાર્યો માટે રકમ ફાળવી

મુખ્યમંત્રી વિજય રૂપાણીએ અમદાવાદમાં રોડ રિસરફેસીંગ,માઇક્રો સરફેસીંગ, સ્ટ્રોમ વોટર ડ્રેનેજ, સ્યુએજ ટ્રીટમેન્ટ પ્લાન્ટના કામો, પાણી પૂરવઠાના કામો તથા ફાયર સાધનો, તળાવ ડેવલપમેન્ટ માટે 354.80 કરોડ રૂપિયા ફાળવ્યા છે.


માળખાકીય સુવિધાઓના વિકાસના કામો માટે 85 કરોડ 

આ તરફ બિલ્ડીંગ, શાળા, બોર્ડ ઓફિસ, મલ્ટીલેવલ પાર્કિગ જેવા સામાજિક આંતર માળખાકીય સુવિધાઓના વિકાસના કામો માટે 85 કરોડ રૂપિયાની ફાળવણી કરવામાં આવી છે. અમદાવાદ મહાનગર પાલિકા વિસ્તારમાં 2 રેલ્વે ઓવરબ્રીજ અને 1 રેલ્વે અન્ડરબ્રિજના કામો માટે 8 કરોડ રૂપિયા ફાળવ્યા છે. 

હાલમાં કાર્યરત પ્રોજેકટસ માટે રૂ. 164 કરોડ ફાળવ્યા 

મુખ્યમંત્રી શહેરી સડક યોજના અંતર્ગતના રસ્તાના કુલ 41 કામો માટે રૂ. 90 કરોડની ફાળવણી કરવામાં આવી છે મુખ્યમંત્રી વિજય રૂપાણીએ આ ઉપરાંત રોડ, રસ્તા, પાણી, ગટર વિગેરેના હાલમાં કાર્યરત પ્રોજેકટસ માટે રૂ. 164 કરોડ ફાળવ્યા છે 

મહાનગરના વિકાસ કામોમાં વધુ ગતિ આવશે

મુખ્યમંત્રી વિજય રૂપાણી સમગ્રતયા અમદાવાદ મહાનગર પાલીકા વિસ્તારના બહુવિધ વિકાસ કામો માટે 702 કરોડની માતબર રકમની ફાળવણી કરી છે આના પરિણામે અમદાવાદ મહાનગરના વિકાસ કામોમાં વધુ ગતિ આવશે.

વિકાસના કામો માટે મુખ્યમંત્રીની સૈદ્ધાંતિક મંજૂરી 

આગામી સમયામાં રિવરફ્રન્ટના પશ્ચિમ કાંઠાના ટાગોર હોલ અને ઈવેન્ટ સેન્ટર વચ્ચે આ પ્રકારનાં ત્રણ બિલ્ડિંગોના નિર્માણને સૈદ્ધાંતિક મંજૂરી આપવામાં આવી છે. આ સ્કાઇસ્ક્રેપરની સાથે રિવરફ્રન્ટ પર ફૂટઓવર બ્રિજનું ડિસેમ્બરમાં લોકાર્પણ થશે. એ ઉપરાંત 4 ક્રિકેટ પિચ, 4 ટેનિસ કોર્ટ સાથેનું સ્પોર્ટ્સ કોમ્પ્લેક્સનું કામ પણ પૂર્ણ થવાને આરે છે.