આનંદો / ગુજરાતમાં ઇન-સર્વિસ ડોક્ટરો-GMERSના અધ્યાપકોમાં આનંદ, રાજ્ય સરકારની અનોખી ભેટ, DyCM નીતિન પટેલે કરી મોટી જાહેરાત

• ઇન-સર્વિસ ડોક્ટરો-GMERSના અધ્યાપકોને રક્ષાબંધનની ભેટ
• ગુજરાતના ડોક્ટરો-અધ્યાપકોને સાતમા પગારપંચની મંજૂરી
• સાતમા પગારપંચ મુજબ નોન પ્રેક્ટીસિંગ એલાઉન્સની મંજૂરી

આજે ભાઈ બહેનના પ્રેમના પ્રતિકનું પર્વ રક્ષાબંધનનો તહેવા છે ત્યારે રાજ્ય સરકાર દ્વારા મોટી જાહેરાત કરવામાં આવી છે નાયબ મુખ્યમંત્રી નીતિન પટેલ દ્વારા ઈન-સર્વિસ ડોક્ટરો તેમજ મેડિકલ કોલેજોમાં અધ્યપક તરીકે સેવા આપતા કર્મચારીઓનો રક્ષાબંધન પર્વ પર અનોખી ભેટ આપવામાં આવતા કર્મચારીઓમાં આનંદ અને ખુશીનો લહેર જોવા મળી રહી છે.  

ઇન-સર્વિસ ડોક્ટરો-GMERSના અધ્યાપકોને રક્ષાબંધનની ભેટ

આજે રક્ષાબંધનના પવિત્ર તહેવાર પર ઈન-સર્વિસ ડોક્ટરો તેમજ GMERSના અધ્યાપકોને સરકારે મોટી ભેટ આપી છે. રક્ષાબંધનના તહેવારના દિવસે જ DyCM નીતિન પટેલે એક મોટી જાહેરાત કરતા ગુજરાતના ડોક્ટરો અને અધ્યાપકોને સાતમાં પગારપંચની મંજૂરી આપી દીધી છે જેથી ઈન-સર્વિસ ડોક્ટરો અને GMERSના અધ્યાપકોમાં ખુશીની લહેર જોવા મળી રહી છે. સાતમાં પગારપંચ મુજબ નોન પ્રેક્ટીસિંગ એલાઉન્સની મંજૂરી મળતા કર્મચારીઓમાં આનંદો વ્યાપી ગયો છે. 

ગુજરાતના ડોક્ટરો-અધ્યાપકોને સાતમા પગારપંચની મંજૂરી

નીતિન પટેલે જાહેરાત કરતા જણાવ્યું કે ગુજરાત સરકારની હોસ્પિટલમાં ફરજ બજાવતા ઈન સર્વિસ ડોક્ટરો તથા GMERSની મેડિકલ કોલેજોમાં અધ્યાપકો તરીકે ફરજ બજાવતા પાત્રતા ધરાવતા તમામ ડોક્ટરો અને અધ્યાપકોને સાતમાં પગાર પંચ મુજબનુ નોન પ્રેક્ટીસિંગ એલાઉન્સ આપવાની મંજૂરી આપવામાં આવી છે. આમ રક્ષાબંધન પર્વ પર કર્મચારીઓ અને અધ્યાપકોને રાજ્ય સરકાર અનોખી ભેટ અપાતા કર્મચારીઓ અને અધ્યાપકોમાં આનંદો છવાઈ ગયો છે.