તપાસ / મોદી સરકારની આ યોજનાના 5.38 લાખ લાભાર્થીઓ નકલી, સરકાર લેશે આ પગલું

• પીએમ કિસાન સન્માન નિધિ સ્કીમમાં છેતરપીંડી
• 5.95 લાખ લાભાર્થીઓમાંથી 5.38 લાખ નકલી
• યોજનાને લઈને સરકારની ચિંતામાં થયો વધારો

સરકાર લેશે આ પગલાં

હવે સંબંધિત બેંકોની મદદથી નકલી લાભાર્થીઓના બેંક એકાઉન્ટમાં જમા થયેલી રકમને વસૂલવા માટેની પ્રક્રિયા શરૂ કરાઈ છે. જેથી આ રૂપિયા કેન્દ્ર સરકારના એકાઉન્ટમાં પાછા આવે અને તેનો યોગ્ય જગ્યાએ ઉપયોગ થઈ શકે. અત્યાર સુધીમાં 61 કરોડ રૂપિયા વસૂલવામાં આવ્યા છે. 

કેન્દ્રીય કૃષિ મંત્રીએ લીધું આ પગલું

કેન્દ્રીય કૃષિ મંત્રી નરેન્દ્ર સિંહ તોમરે કહ્યું કે 96 કોન્ટ્રાક્ટ કર્મચારીઓની સેવા સમાપ્ત થઈ છે, જે લાભાર્થીઓ નકલી છે તેમના રજિસ્ટ્રેશનને માટે 34 અધિકારીઓ વિરુદ્ધ કાર્યવાહી શરૂ કરવામાં આવી છે. 3 બ્લોક સ્તરના અધિકારીઓ અને 5 સહાયક કૃષિ અધિકારીઓને સસ્પેન્ડ કરાયા છે. આ લોકો પાસવર્ડનો દુરઉપયોગ કરવા માટે જવાબદાર હતા. 13 જિલ્લામાં એફઆઈઆર કરીને કર્મચારીઓ સહિત 52 લોકોની ધરપકડ કરાઈ છે. ભવિષ્યમાં આવી ઘટનાને રોકવા માટે રાજ્ય સરકારે કેન્દ્રની સાથે વિચાર કરીને એક સ્ટેન્ડર્ડ ઓપરેટિંગ સિસ્ટમ તૈયાર કરીને પ્રણાલીને સુદ્રઠ કરવાનું કામ શરૂ કર્યું છે. સરકારે સ્પષ્ટ કર્યું છે કે યોગ્ય કિસાન પરિવારની ઓળખ કરીને તેમની જવાબદારી રાજ્ય સરકાર લેશે.  

કઈ રીતે રોકાઈ છેતરપીંડી

પીએમ મોદીની ડ્રીમ સ્કીમમાં છેતરપીંડીની રીતે કરોડો રૂપિયા કાઢવાની વાત સામે આવ્યા બાદ રાજ્ય સરકારે તપાસ કરી છે. તેનાથી ખ્યાલ આવ્યો કે કેટલાક બેઈમાન લોકોએ સ્કીમના આધારે અયોગ્ય વ્યક્તિઓની મોટી સંખ્યામાં બુકિંગ કરવાને માટે જિલ્લા અધિકારીઓના લોગ ઈન આઈડી અને પાસવર્ડનો દુરઉપયોગ કર્યો હતો. કૃષિ વિભાગ દ્વારા રખાયેલા કોન્ટ્રાક્ટ કર્મચારી પણ આ ગેરકાયદેસર કામમાં સામેલ હતા. રાજ્ય સરકારે તત્કાલ જિલ્લા અધિકારીના પાસવર્ડ બદલ્યા છે. જેથી આ છેતરપીંડીને વધતી અટકાવી શકાય.