પંચમહાલના વેજલપુરમાં સ્ટેટ મોનિટરીંગ સેલે સપાટો બોલાવ્યો છે. ગ્લુકોઝની બોટલની આડમાં રૂપિયા 47 લાખથી વધુ વિદેશી દારૂનો જથ્થો ઝડપી પાડ્યો
પંચમહાલમાં સ્ટેટ મોનિટરીંગ સેલનો સપાટો
47 લાખનો વિદેશી દારૂ ઝડપી પાડ્યો
પોલીસની કાર્યવાહીથી બુટલેગરોમાં ફફડાટ
પંચમહાલના વેજલપુરમાં સ્ટેટ મોનિટરીંગ સેલનો સપાટો
દારૂની હેરાફેરી રાજ્યની પોલીસ માટે માથાનો દુઃખાવો સમાન બની રહી છે. પોલીસ દ્વારા આવા બુટલેગરો સામે લાલ આંખ કરવામાં આવી છે. પંચમહાલના વેજલપુરમાં સ્ટેટ મોનિટરીંગ સેલ દ્વારા ખડકી ટોલનાકા પાસેથી દારૂ ભરેલી ટ્રકને ઝડપી પાડી હતી. અને ટ્રક ચાલક સહિત બે લોકોની ધરપકડ કરવામાં આવી હતી.
દારૂની હેરાફેરીનો ગજબ કિમીયો આવ્યો સામે
મહત્વનું છે કે, ગુજરાતમાં આમ તો દારૂબંધી છે પરંતુ પાડોશી રાજયોમાંથી વિદેશી દારૂનો જથ્થો મોટા પ્રમાણમાં ઘુસાડવામાં આવતો હોય છે ત્યારે પંચમહાલના વેજલપુરમાં સ્ટેટ મોનિટરીંગ સેલનો સપાટો બોલાવામાં આવ્યો છે. પોલીસે ગ્લુકોઝની બોટલની આડમાં રૂપિયા 47 લાખથી વધુનો સંતાડાયેલો વિદેશી દારૂનો મોટો જથ્થો ઝડપી પાડયો હતો.
સ્ટેટ મોનિટરીંગ સેલની ટીમે ટ્રક સાથે ડ્રાયવર અને ક્લીનરની અટકાયત કરી છે. દારૂનો જથ્થો મોટી માત્રા હોવાથી કંન્ટેનરને પોલીસ સ્ટેશન ખાતે લઇ જઇને વધુ તપાસ હાથ ધરી છે. પોલીસે ડ્રાઇવર અને ક્લિનરની અટકાયત કરીને આ દારૂ કોણે મંગાવ્યો હતો અને કોણે મોકલ્યો હતો તે અંગેની વધુ તપાસ શરૂ કરી છે.આમ સ્ટેટ મોનિટરીંગ સેલના સપાટાને લઈને બુટલેગરોમાં ભારે ફફડાટ ફેલાઈ જવા પામ્યો છે.