IPLIN
 
  • Home
  • India
  • big action of cm yogi regarding prayagraj violence bulldozer ran at the house of main accused javed

BIG NEWS / એક્શનમાં યોગી સરકાર: પ્રયાગરાજ હિંસાના મુખ્ય આરોપી જાવેદ પંપના ઘર પર બુલડોઝર ફરી વળ્યું

Team VTV 03:24 PM, 12 Jun 22
Follow us
big action of cm yogi regarding prayagraj violence bulldozer ran at the house of main accused javed

પ્રયાગરાજ હિંસાના મુખ્ય આરોપી જાવેદ પંપના ઘરને તોડવાની પ્રક્રિયા શરૂ થઈ ગઈ છે. ભારે પોલીસ બંદોબસ્ત વચ્ચે વહીવટીતંત્રના લોકો બુલડોઝર સાથે જાવેદ પંપના મકાનને તોડી પાડવા પહોંચી ગયા હતા.

  • યોગી સરકારની ઉપદ્રવીઓ પર મોટી એક્શન
  • પ્રયાગરાજ હિંસાના મુખ્ય આરોપીના ઘર પર ચાલ્યું બુલડોઝર
  • ઘરનો સામાન અને જરૂરી વસ્તુઓ બહાર ફેંકી દીધી

 

પ્રયાગરાજ હિંસાના મુખ્ય આરોપી જાવેદ પંપના ઘરને તોડવાની પ્રક્રિયા શરૂ થઈ ગઈ છે. ભારે પોલીસ બંદોબસ્ત વચ્ચે વહીવટીતંત્રના લોકો બુલડોઝર સાથે જાવેદ પંપના મકાનને તોડી પાડવા પહોંચી ગયા હતા. જાવેદ પંપનું ઘર 12 માર્કેટ કારેલીમાં છે, જ્યાં મોડી સાંજે વહીવટીતંત્રના લોકોએ નોટિસ આપી હતી. પોલીસે પૂછપરછ બાદ જાવેદ પંપને જેલમાં મોકલી આપ્યો છે. જાવેદ પંપ પર વોટ્સએપ ગ્રૂપ દ્વારા લોકોને ભેગા કરવા અને ઉશ્કેરવાનો આરોપ છે. મળતી માહિતી મુજબ, જાવેદ પંપના પરિવારના સભ્યોએ ઘર ખાલી કર્યું ન હતું, તેથી પ્રશાસનના લોકો જાવેદ પંપના ઘરમાંથી સામાન કાઢીને બહાર ફેંકી દીધો હતો. જાવેદ પંપના ઘરમાંથી કબાટ, કુલર, કાગળ અને અન્ય વસ્તુઓ હટાવવામાં આવી રહી છે.

ઉલ્લેખનીય છે કે PDA અધિકારીઓએ ગઈકાલે રાત્રે જાવેદ પંપના પરિવારના સભ્યોને ઘર ખાલી કરવા કહ્યું હતું. પોલીસનો દાવો છે કે જાવેદ પંપે વોટ્સએપ પર એક ગ્રુપ બનાવ્યું હતું અને લોકો પાસેથી બંધનું એલાન આપીને ભીડ એકઠી કરી હતી. જાવેદ પંપની ઉશ્કેરણી પછી જ મોટી સંખ્યામાં લોકો પહોંચ્યા અને પછી બદમાશોએ પોલીસ પર હુમલો કરવાનું શરૂ કર્યું. જાવેદ પંપના મોબાઈલ ફોનની તપાસમાંથી પોલીસને અનેક તોફાનો ફેલાવવાના પુરાવા મળ્યા છે.

આ કેસમાં જાવેદ પંપની પુત્રીની ભૂમિકાની પણ તપાસ કરવામાં આવી રહી છે. જાવેદ પંપની પુત્રી જેએનયુ યુનિવર્સિટી, દિલ્હીમાં અભ્યાસ કરે છે. ગુપ્તચર એજન્સી આ મામલાને CAA વિરોધી કનેક્શન સાથે જોડીને પણ તપાસ કરી રહી છે.

uttar pradesh prayagraj violence Bulldozer Crime News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ