ચૂંટણી પહેલા જ પંચમહાલમાં ભાજપની મોટી કાર્યવાહી; પૂર્વ જિલ્લા પ્રમુખ સહિત 6 કાર્યકર્તાઓને કરાયા સસ્પેન્ડ, પક્ષ વિરોધી પ્રવૃત્તિ કરવા બદલ કરાયા સસ્પેન્ડ
ચૂંટણી પહેલા જ પંચમહાલ ભાજપની મોટી કાર્યવાહી
પૂર્વ જિલ્લા પ્રમુખ સહિત 6 કાર્યકર્તાઓને કરાયા સસ્પેન્ડ
પક્ષ વિરોધી પ્રવૃત્તિ કરવા બદલ કરાયા સસ્પેન્ડ
ગુજરાત વિધાનસભાની ચૂંટણીના પ્રથમ તબક્કામાં મતદાન થઈ ચૂક્યું છે તેમજ ઉત્તર અને મધ્ય ગુજરાતની 93 બેઠકો પર આવતીકાલે મતદાન થવાનો છે. બીજા તબક્કાના મતદાન પહેલા રાજકીય માહોલ સતત જામી રહ્યો છે. રાજકીય પાર્ટીઓ એક બીજા પર આક્ષેપો કરી રહી છે તો બીજી તરફ પક્ષ વિરોધી કાર્ય કરવા બદલ કાર્યવાહી પણ કરવામાં આવી છે. ચૂંટણી પહેલા જ પંચમહાલ ભાજપની મોટી કાર્યવાહી સામે આવી છે.
પંચમહાલમાં ભાજપની મોટી કાર્યવાહી
ચૂંટણી પહેલા જ પંચમહાલ ભાજપની મોટી કાર્યવાહી સામે આવી છે. પૂર્વ જિલ્લા પ્રમુખ સહિત કુલ 6 કાર્યકર્તાઓને સસ્પેન્ડ કરવામાં આવ્યા છે. પૂર્વ જિલ્લા પ્રમુખ જસવંતસિંહ સોલંકી સહિત 6 જેટલા કાર્યકર્તાઓ ભાજપમાંથી સસ્પેન્ડ કરવામાં આવ્યાં છે. પક્ષ વિરોધી પ્રવૃત્તિ કરવા બદલ સસ્પેન્ડ કરાયા છે. હાલોલ અને જાંબુઘોડા વિસ્તારના સક્રિય કાર્યકર્તાઓને પણ સસ્પેન્ડ કરવામાં આવ્યાં છે
બનાસકાંઠામાં ભાજપની કાર્યવાહી
બનાસકાંઠામાં ભાજપનાં આગેવાન જીગર દેસાઈને ભાજપમાંથી સસ્પેન્ડ કરવામાં આવ્યાં છે. પક્ષ વિરોધી પ્રવૃત્તિ કરતા તેમને તાત્કાલિક અસરથી સસ્પેન્ડ કરવામાં આવ્યા છે. તેમણે ધાનેરાના અપક્ષ ઉમેદવારનો પ્રચાર કરતા તેમને સસ્પેન્ડ કરવામાં આવ્યા છે. ધાનેરામાં અપક્ષ ઉમેદવાર માવજી દેસાઈના સમર્થનમાં તેઓ પ્રચાર કરતા હતાં. જિલ્લા ભાજપ પ્રમુખે જીગર દેસાઈને તાત્કાલિક અસરથી સસ્પેન્ડ કર્યા છે
સી આર પાટીલનું નિવેદન
બળવાખોર નેતાને લઈ પ્રદેશ ભાજપ પ્રમુખ સી આર પાટીલનું ગઈકાલે નિવેદન સામે આવ્યું હતું જેમાં તેમણે જણાવ્યું કે હતું કે, ભાજપનો કાર્યકર્તા સંવેદનશીલ છે, અમુક કાર્યકર્તાની ટિકિટ કપાઇ છે અને કાર્યકર્તાએ ટિકિટ માંગી હોય તો નારાજગી આવી હશે. તેમણે જણાવ્યું હતું કે, સ્થાનિક સ્વરાજની ચૂંટણીમાં વિરોધમાં ગયા અને જીત્યા તો પણ પક્ષમાં નથી લીધા અને આ લોકોનું ગેરશિસ્ત ચલાવી લેવામાં નહીં આવે. તેમણે બળવાખોર નેતાઓને લઈ જણાવ્યું હતું કે, તેવા લોકો પર તાત્કાલિક પગલા લીધા છે અને જે લોકો જીતશે તો પણ પરત લઇશું નહીં તેમણે કહ્યું કે, 4થી 5 લોકોએ ઉમેદવારી કરી છે.
ક્યાં ક્યાં જિલ્લામાં બીજા તબક્કાનું મતદાન
આવતીકાલે અમદાવાદ, વડોદરા, બનાસકાંઠા, સાબરકાંઠા, પાટણ, મહેસાણામાં, ગાંધીનગર, અરવલ્લી, મહિસાગર, અરવલ્લી, દાહોદ, પંચમહાલ, ખેડા, આણંદ, છોટા ઉદેપુરમાં પણ બીજા તબક્કાનું મતદાન થવાનું છે જેને લઈ આજે પ્રચારના પડઘણ શાંત થયા છે.