Prithvi Shaw case: ભારતીય ક્રિકેટર પૃથ્વી શો ગુરુવારે ફરી એકવાર મુશ્કેલીમાં જોવા મળ્યો હતો જણાવી દઈએ કે ગઈકાલથી જ તેના કેટલાક વીડિયો સોશિયલ મીડિયા પર વાયરલ થઈ રહ્યા છે, જેમાં એક છોકરી તેની સાથે ઝપાઝપી કરતો નજરે ચઢ્યો હતો. નોંધનીય છે કે આખા દિવસના નાટક બાદ આખરે સાંજે પૃથ્વી શો સાથે ઝપાઝપીમાં સંડોવાયેલી યુવતીની ધરપકડ કરવામાં આવી હતી. જો કે પોલીસે સત્તાવાર નિવેદન આપીને આ વાતની પુષ્ટિ કરી છે પણ અત્યાર સુધી પૃથ્વી શૉ એ આ વિશે કંઈ વાત કરી નથી.
પૃથ્વી શૉ પર હુમલો કરવા બદલ સપના ગિલની ધરપકડ
જણાવી દઈએ કે ભારતીય ક્રિકેટ ટીમના ખેલાડી પૃથ્વી શૉ અને તેના મિત્રો પર થયેલા હુમલા બાદ પોલીસે સોશ્યલ મીડિયા ઇન્ફ્લુએન્શર સપના ગિલની ધરપકડ કરી છે. રિપોર્ટ અનુસાર ઓશિવરા પોલીસમાં ફરિયાદ દાખલ કરવામાં આવી હતી અને આ પછી પોલીસે કાર્યવાહી કરીને તેની ધરપકડ કરી હતી. નોંધનીય છે કે પૃથ્વી સાથે સેલ્ફી લેવાનો વિવાદ એટલો વધી ગયો હતો કે મામલો મારામારી સુધી પહોંચ્યો હતો. પોલીસના જણાવ્યા અનુસાર આરોપ છે કે સપના ગિલ અને તેના મિત્રોએ પૃથ્વી પર હુમલો કર્યો હતો. હાલ ઓશિવરા પોલીસે આ મામલામાં 8 લોકો વિરુદ્ધ કેસ નોંધ્યો છે
આ કારણે શરુ થયો હતો વિવાદ
ઘટના બુધવારે વહેલી સવારે મુંબઈમાં બની હતી. હાલ મળતી જાણકારી અનુસાર કથિત રીતે સપના અને તેના મિત્રોએ પાર્ટી દરમિયાન પૃથ્વી પાસેથી સેલ્ફીની માંગ કરી હતી. પૃથ્વીએ પહેલીવાર સેલ્ફી આપી. પણ થોડા સમય પછી તે અન્ય કેટલાક લોકો સાથે પૃથ્વી શૉ પાસે પહોંચ્યો અને ફરીથી સેલ્ફીની માંગ કરવા ત્યારે પૃથ્વીએ ના પાડી. હોટેલના કર્મચારી જણાવ્યું હતું આ પછી ગિલ અને ઠાકુરે ક્રિકેટર સાથે દલીલ કરી અને ખરાબ વર્તન કરવાનું શરૂ કર્યું. જણાવી દઈએ કે શો એ તફરિયાદમાં એવું કહેવામાં આવ્યું છે કે સેલ્ફીની માંગ કરતાં ગિલ અને ઠાકુર નશાની હાલતમાં હતા. આ જોઈને, હોટલના મેનેજરે દરમિયાનગીરી કરી અને શૉ સાથે સેલ્ફી લેવા માંગતા બે માણસોને ક્લબ છોડવા કહ્યું, આ પછી બંને વચ્ચે વિવાદ શરૂ થયો. આ વિવાદ એટલો વધી ગયો કે અંતે મારામારી સુધી પહોંચી ગયો હતો.
Prithvi Shaw selfie controversy: Mumbai Police arrests one accused
કાર પર હુમલાનો દાવો
મળતી જાણકારી મુજબ ગુસ્સે ભરાયેલા બંને ચાહકોએ તેમના મિત્રોને બોલાવ્યા અને હોટેલની બહાર પૃથ્વીની આવવાની રાહ જોઈ અને પૃથ્વી બહાર આવતાની સાથે જ 8 લોકોએ તેને બેઝ બોલ બેટથી ઘેરી લીધો. પૃથ્વી શૉના વકીલના જણાવ્યા અનુસાર, આ પછી કોઈક રીતે પૃથ્વી શૉ ત્યાંથી નીકળી ગયો પરંતુ આરોપીઓએ તેની કારનો પીછો કરવાનું શરૂ કર્યું અને સિગ્નલ પર આ આરોપીઓએ પૃથ્વી શૉની કાર પર હુમલો કર્યો જેમાં તેની વિન્ડ શિલ્ડ તૂટી ગઈ. આ સાથે જ આરોપીઓએ તેમની પાસેથી 50,000 રૂપિયા પડાવવાનો પણ પ્રયાસ કર્યો હતો, સપના ગિલે કહ્યું હતું કે જો તેઓ પૈસા નહીં આપે તો તેઓ ખોટા કેસ દાખલ કરશે.
Prithvi Shaw selfie controversy: Arrested woman's lawyer claims cricketer was drunk and "hit her with a bat"
સપના ગિલની આ ધારાઓ હેઠળ ધરપકડ
આ ઘટના બાદ પૃથ્વીના મિત્ર આશિષ યાદવ વતી એફઆઈઆર પણ દાખલ કરવામાં આવી છે. ઓશિવરા પોલીસે આરોપીઓ વિરુદ્ધ IPCની કલમ 143, 148, 149, 384, 437, 504, 506 હેઠળ કેસ નોંધ્યો છે. પોલીસે સપના ગિલની ધરપકડ કરી લીધી છે, પોલીસ સપનાનું મેડિકલ કરાવી રહી છે. સપનાને શુક્રવારે કોર્ટમાં રજૂ કરવામાં આવશે. જણાવી દઈએ કે સપના ગિલ એક સોશિયલ મીડિયા ઇનફ્લુએન્શર અને બ્લોગર છે અને સપનાના ઈન્સ્ટાગ્રામ પર 218,000 થી વધુ ફોલોઅર્સ છે. સપનાના વકીલનો દાવો છે કે પૃથ્વી શૉ ખોટું બોલી રહ્યો છે.