યુક્રેન સામે યુદ્ધ ચડેલા રશિયાની કમર તોડી નાખતી કાર્યવાહી અમેરિકાએ કરી છે.
રશિયા સામે અમેરિકી પ્રમુખની મોટું એલાન
અમેરિકા રશિયા પાસેથી તેલ, કુદરતી ગેસ અને કોલસો નહીં લે
અમેરિકાના આ નિર્ણયથી રશિયાની કમર તૂટી જશે
અમેરિકાએ રશિયાની કમર તોડી નાખતી કાર્યવાહી કરી છે. અમેરિકી રાષ્ટ્રપતિએ જાહેર કર્યું કે હવેથી અમેરિકા રશિયા પાસેથી ક્રૂડ ઓઈલ, તેલ, કુદરતી ગેસ અને કોલસા નહીં લે એટલે કે રશિયામાંથી અમેરિકાની આયાત બંધ કરવામાં આવી છે.
"We're moving forward with this ban understanding that many of our European allies and partners may not be in a position to join us," US President Joe Biden said pic.twitter.com/X8nFF4JOhr
અમેરિકાના પગલાં અંગે રાષ્ટ્રપતિ બાઈડેને કહ્યું છે કે તેમના તરફથી રશિયન તેલની આયાત બંધ કરી દેવામાં આવી છે. હવે યુ.એસ. રશિયન તેલ લેવાનું નથી. તેમણે અન્ય દેશોને રશિયા પરની નિર્ભરતા ઘટાડવાની સલાહ પણ આપી છે. તેમના મતે ભવિષ્ય હવે સ્વચ્છ ઉર્જાનું છે અને તે દિશામાં તમામ દેશોએ આગળ વધવું જોઇએ.
રશિયા સામે શું પ્રતિબંધા લગાડ્યા અમેરિકા
અમેરિકાએ રશિયામાંથી ક્રૂડ ઓઈલ, કુદરતી ગેસ, કોલસો, ઈંધણ પર પ્રતિબંધ મૂક્યો છે.
રશિયામાં ઘણી કંપનીઓએ બિઝનેસ બંધ કર્યો- બાઈડેન
જો બાઈડેને ભારપૂર્વક જણાવ્યું છે કે અમેરિકાએ રશિયા સામે જે પ્રકારની કાર્યવાહી કરી છે તે અન્ય કોઈ દેશ ન કરી શકે. તેમના મતે રશિયાની ઘણી કંપનીઓએ હવે પોતાનો બિઝનેસ સમેટી લીધો છે તથા બીજી કેટલીક ઓઇલ કંપનીઓએ પણ ત્યાં તેમની કામગીરી બંધ કરી દીધી છે.
"We're banning all imports of Russian gas, oil, and energy," announces US President Joe Biden
એનર્જી સેક્ટરની દિગગ્જ કંપની શેલે રશિયા પાસેથી ક્રુડ ઓઈલ અને કુદરતી ગેસની ખરીદી બંધ કરવાની પણ જાહેરાત કરી છે. શેલ દ્વારા જારી એક નિવેદનમાં કહેવાયું કે રશિયા પાસેથી તબક્કાવાર ક્રુડ ઓઈલ, પેટ્રોલિયમ ઉત્પાદ, કુદરતી ગેસની ખરીદી બંધ કરવાનો અમારો વિચાર છે.
રશિયાની ઈકોનોમીને તગડો ઝટકો આપ્યો અમેરિકાએ
અમેરિકાએ રશિયા સામે સીધી કાર્યવાહી તો કરી નથી પરંતુ તેને ઈકોનોમીને ઝટકા આપવા માટે જાતજાતના પ્રતિબંધો લગાવી રહી છે. અમેરિકાને આશા છે કે આ રીતે રશિયા નબળું પડી જશે.ક્રૂડ ઓઈલ, કુદરતી ગેસ અને કોલસાની આયાત પર પ્રતિબંધ મૂકવાની જાહેરાત કરીને અમેરિકાએ રશિયાને તગડો ફટકો આપ્યો છે.
અમેરિકામાં રેકોર્ડ સ્તરે પહોંચ્યાં પેટ્રોલના ભાવ
રશિયા પર પ્રતિબંધની બાઈડનની જાહેરાતની અસર હાલમાં જ અમેરિકી બજારમાં દેખાવા લાગી છે. જાણકારી અનુસાર રશિયાથી તેલ અને ગેસની આયાત ખતમ કરવાની તૈયારીઓ વચ્ચે અમેરિકામાં એક ગેલન પેટ્રોલની સરેરાશ કિંમત 4.17 ડોલર (321.73 રૂપિયા)ની રેકોર્ડ ઉંચી સપાટી પર પહોંચી ગઈ છે.
બ્રિટન આ વર્ષના અંતમાં રશિયાની ગેસની આયાત ખતમ કરશે
બ્રિટન સરકારે પણ જાહેરાત કરી છે ચાલુ વર્ષના અંત સુધીમાં તે પણ રશિયા પાસેથી ગેસની આયાત બંધ કરી દેશે. બ્રિટનના વેપાર પ્રધાન, ક્વાસી ચોકડીંગે કહ્યું: "અમે રશિયન ગેસ આયાતને સમાપ્ત કરવાના વિકલ્પો પર વિચાર કરી રહ્યા છીએ.