અમેરિકા / શું હવે સમાપ્ત થશે ચીન-અમેરિકાનો વિવાદ? , રાષ્ટ્રપતિ બન્યાને 7 મહિના પછી બાયડને જિંનપિંગ સાથે કરી આ મોટી વાત

• બાઈડને શિ જિનપિંગ સાથે કરી વાતચીત 
• 7 મહિના પછી કરી બાઈડને ચીન સાથે કરી વાત 
• શું સમાપ્ત થશે હવે બંને દેશોનો વિવાદ ? 

ચીની રાષ્ટ્રપતિ શી જિનપિંગે આજે સવારના સમયે અમેરિકાના રાષ્ટ્રપતિ જો બાઈડેન સાથે ફોન પર વાત કરી. જો બાઈડન રાષ્ટ્રપતિ બન્યાને સાત મહિના પૂરા થયા ત્યા સુધી તેમણે ચીન સાથે કોઈ પણ વાતચીત નહોતી કરી. સમગ્ર મામલે ચીનની મીડિયા દ્વારાજ માહિતી આપવામાં આવી તે જિનપિંગે બાઈડન સાથે વાત કરી છે. 

દ્રિપક્ષીય સંબંધોની ચર્ચા થઈ 

ચીનની મીડિયાના જણાવ્યા પ્રમાણે બંને દેશના નેતાએ તેમના દ્વિપક્ષીય સંબંધોને લઈને ચર્ચા કરી હતી. બીજી તરફ વાઈટ હાઉસ તરફથી પણ જાહેર કરવામાં આવ્યું કે જો બાઈડનની જિનપિંગ સાથે ચર્ચા થઈ હતી. બંને વચ્ચે જે પણ વાતચીત થઈ તેનો ઉદ્દેશ બેઈજિંગ અને વોશિંગટનમાં જે પણ દુશ્મનાવટ ચાલી રહી છે. તેનો અંત લાવવાનો હતો.

 તાલિબાને કબ્જો મેળવ્યા બાદ થઈ ચર્ચા 

આપને જણાવી દઈએ કે બાઈડન જિનપિંગ વચ્ચે આ વાચચીત ત્યારે થઈ રહી છે જ્યારે અફઘાનિસ્તાનમાં પરિસ્થિતી પૂરી રીતે બદલાઈ ગઈ છે. કારણકે કાબુલ પર કબ્જો મેળવી લીધા બાદ તાલિબાન ટૂંક સમયમાં ત્યા સરકાર બનાવાનું છે. 

સ્પર્ધાને ટકાવી રાખવાનો પ્રયાસ 

સમગ્ર મામલે વહાઈટ હાઉસ દ્વારા કહેવામાં આવ્યું કે બંને દેશો વચ્ચે જે વાત થઈ તે સ્પર્ઘાને જવાબદારી પૂર્વક યથાવત રાખવાનો પ્રયાસ હતો. આપેન ખ્યાલ ન હોય તો જણાવી દઈએ કે જિનપિંગે અફઘાન શાસકોને માર્ગદર્શન આપવા વૈશ્વિક સમુદાયને વાત કરી છે. પરંતુ તાલિબાનને ખૂંબ ઓછા દેશોએ તેમનું સમર્થન આપ્યું છે. 

ખૂંખાર આંતકીઓ મંત્રી પદ પર 

આ તરફ જો બાઈડને પણ અમેરિકાના સૈનિકોને ત્યાથી બોલાવી લીધા છે. તાલિબાન અફઘાનમાં જે નવી સરકાર બનાવશે તેને લઈને તેમણે ચિંતા વ્યક્ત કરી છે. કારણકે તાલિબાને મંત્રી પદ ઉપર પણ ઘણા ખૂંખાસ આતંકીઓની પસંદગી કરી છે.