પ્રેસિડેન્ટ ઇલેકટ જો બાયડને જાહેરાત કરી છે કે અમેરિકા ટૂંક સમયમાં WHO નું સભ્ય બનશે. નોંધનીય છે કે થોડા સમય પહેલા જ WHO પર ચીનનું સમર્થન કરવાનો આરોપ લગાવીને ટ્રમ્પે એપ્રિલમાં સંગઠનનું ભંડોળ બંધ કર્યું હતું.
બાયડને કહ્યું, અમે WHO ને જોઇન કરીશું
આ પહેલા પેરિસ કરારમાં પણ જોડાવાની જાહેરાત કરી હતી
WHO માં ચીનની હરકતો પર નજર રાખવામાં આવશે : બાયડન
યુ.એસ.ની ચૂંટણીમાં જીત મેળવનારા પ્રેસિડેન્ટ ઇલેક્ટ જો બાયડને જાહેરાત કરી છે કે 20 જાન્યુઆરીએ શપથ લીધા બાદ યુએસ ફરીથી વર્લ્ડ હેલ્થ ઓર્ગેનાઇઝેશન WHO માં જોડાશે. જો બાયડને કહ્યું કે અમે સુનિશ્ચિત કરીશું કે ચીન તેની મર્યાદામાં રહેશે, પરંતુ અમે કોરોના વાયરસ સામે લડવા માટે WHO ને સમર્થન આપવા તૈયાર છીએ. ચીનને લગતા પ્રશ્નના જવાબમાં, બાયડને એમ પણ કહ્યું હતું કે હવે તેમને મનસ્વી થવા દેવામાં આવશે નહીં અને જરૂર પડે તો સખત પગલા ભરશે.
કોરોના મુદ્દે ટ્રમ્પ WHO પર રોષે ભરાયા હતા
નોંધનીય છે કે ચૂંટણી પ્રચાર દરમિયાન, બાયડને ચીન વિશે કડક નિવેદનો આપ્યા છે. બાયડને કહ્યું હતું કે તેઓ કોરોના વાયરસ અંગે ચીન દ્વારા કરવામાં આવેલી ગેરરીતિઓ બદલ તેમને સજા આપવા માગે છે. આર્થિક સજા અને વિવિધ પ્રકારના ટેક્સ-ટેરિફ વધારાને આ સજામાં સમાવિષ્ટ હોવાનું જણાવાયું હતું. નોંધપાત્ર વાત એ છે કે, ગત એપ્રિલમાં પ્રેસિડેન્ટ ડોનાલ્ડ ટ્રમ્પે WHO પર નારાજગી વ્યક્ત કરી હતી અને ફંડ બંધ કર્યું હતું.
ડોનાલ્ડ ટ્રમ્પે આરોપ લગાવ્યો કે WHO ખુલ્લેઆમ ચીનના પક્ષમાં કામ કરી રહ્યું છે. બાયડને કહ્યું હતું કે તેઓ ચીનને સજા કરવા માંગતા નથી પરંતુ તેઓને ખાતરી આપવા માગે છે કે તેઓએ પણ અન્ય દેશોની જેમ નિયમો અને કાયદાઓનું પાલન કરવું પડશે, નહીં તો પરિણામ ખરાબ આવશે.
WHO પહેલા પેરિસ કરારમાં જોડાવાની પણ જાહેરાત કરી
નોંધનીય છે કે બાયડને આ પહેલા પેરિસ ક્લાઇમેટ કરારમાં પણ જોઇન થવાની જાહેરાત કરી હતી અને કહ્યું હતું કે ટ્રમ્પ પોતાની હાર ન સ્વીકારીને આંતરરાષ્ટ્રીય સમુદાયમાં ખોટો મેસેજ મોકલી રહ્યા છે. એક સવાલના જવાબમાં તેમણે કહ્યું, "પ્રેસિડેન્ટ હવે જે કરી રહ્યા છે તે એક બીજી ઘટના છે જેના દ્વારા તેમને ઇતિહાસના અમેરિકાના સૌથી બેજવાબદાર પ્રેસિડેન્ટ તરીકે ઓળખવામાં આવશે."
બાયડને કહ્યું, "અમે તે સ્પષ્ટ કરવા માંગીએ છીએ કે આપણે જીત્યાં છે ... પરંતુ આવી વ્યક્તિને સમજવું મુશ્કેલ છે. મારું માનવું છે કે તે જાણે છે કે તે જીતી શકશે નહીં કે જીતશે નહીં. અમે 20 જાન્યુઆરીએ સત્તા સંભાળીશું. "આ બેઠક પછી, બાયડને પત્રકારોના સવાલના જવાબમાં પુષ્ટિ કરી કે દેશમાં કોવિડ -19 માટે દેશવ્યાપી લોકડાઉન નહીં લાદવામાં આવે, તેમણે કહ્યું હતું કે હું વાયરસને કાબૂમાં કરીશ, અર્થતંત્રને નહીં.