અમેરિકા / ચીનથી બદલો લેવાના મૂડમાં બાયડન! લીધો આ મોટો નિર્ણય, રાશિયાને પણ આપ્યો ઝટકો

• આગામી 9 અને 10 તારીખે લોકશાહી પર થશે ચર્ચા
• અમેરિકાએ 110 દેશોને આપ્યું આમંત્રણ 
• ચીન અને રશિયાને આમંત્રણ ન આપી આપ્યો મોટો ઝટકો 

લોકતંત્રના મુદ્દે અમેરિકા એકવાર ફરી કમ્યુનિસ્ટ દેશો સાથે લડી લેવાના મૂડમાં છે. આગામી 9 અમને 10 તારીખે અમેરિકામાં જે વર્ચ્યુઅલ સંવાદ થવાનો છે. તેમા રાષ્ટ્રપતિ જો બાઈડન દ્વારા મોટા ભાગના દેશોને આમંત્રણ આપવામાં આવ્યું છે. પરંતુ બાયડને ચીન અને રશીયાને આમંત્રણ નથી આપ્યું.

તાઈવાનને આપ્યું આમંત્રણ 

બીજી તરફ અમેરિકા તરફથી લોકતાંત્રિક દેશ તાઈવાનને આમંત્રણ આપવામાં આવ્યું છે જેના કારણે ચીન અને અમેરિકા વચ્ચે ફરી તણાવ વધી રહ્યો છે. થોડાક દિવસો પહેલા પણ તાઈવાન મુદ્દે ચીન અને અમેરિકા આમને સામને આવી ગયા હતા. ત્યારે વધુમાં ફરી અમેરિકાને ચીનને આમંત્રણ નથી આપ્યું પરંતુ તાઈવાનને આમંત્રણ આપ્યું છે. જેથી તે વાતને સ્પષ્ટ રૂપે જોઈ શકાય છે કે અમેરિકા તાઈવાનને પૂરી રીતે સમર્થન કરે છે. 

બાંગ્લાદેશ અને શ્રીલંકાને નથી આપ્યું આમંત્રણ 

અમેરિકા તરફથી લોકતંત્ર પર સંવાદ કરવા માટે વર્ચ્યુઅલ સમિટનું આયોજન કરવામાં આવ્યું હતું. જે માટે વિશ્વના 110 દેશોને આમંત્રણ આપવામાં આવ્યું છે. પરંતુ તેમણે રશિયા અને ચીનને આમંત્રણ નથી આપ્યું. આ સિવાય અફઘાનિસ્તાન, બાંગ્લાદેશ અને શ્રીલંકા જેવા દેશોને પણ આમંત્રણ નથી આપવામાં આવ્યું.

તાલીબાનને આપ્યો મોટો ઝટકો 

ઉલ્લેખનીય છે કે અમેરિકા તરફથી આ વર્ચ્યુઅલ સમીટમાં ભારતને આમંત્રણ આપવામાં આવ્યું છે. સાથે પાકિસ્તાન અને ઈરાકને પણ બાયડને આમંત્રણ આપ્યું છે. અફઘાનિસ્તાનને આમંત્રણ ન આપીને અમેરિકાએ તાલીબાનને પણ મોટો ઝટકો આપ્યો છે. જોકે તાલીબાન વૈશ્વિક સ્તરે માન્યતા પ્રાપ્ત કરવા ઘણા પ્રયાસ કરી રહ્યું છે. પરંતુ હજુ સુધી તેને માન્યતા આપવામાં નથી આવી.