ડેમોક્રેટ ઉમેદવાર જો બાઈડને કહ્યું હતું કે રાષ્ટ્રપતિ તરીકેની જવાબદારી આખા દેશનું પ્રતિનિધિત્વ કરવાની રહેશે. ડોનાલ્ડ ટ્રમ્પના છેલ્લા ચાર વર્ષના શાસન અંગે જો કે તેમણે એકદમ વિરોધી મત દર્શાવ્યો હતો.
ડેમોક્રેટ ઉમેદવાર બાઈડનનું નિવેદન
કોરોનાને લઈને આપ્યું નિવેદન
વૈજ્ઞાનિકોની મદદ લેવામાં આવશે
અમેરિકી રાષ્ટ્રપતિની ચૂંટણીમાં હાલમાં ડેમોક્રેટ ઉમેદવાર જો બાઈડન વિજયી થવાની કગાર પર ઊભા છે ત્યારે તેમણે શુક્રવારે તેમના વતન વિલ્મિંગ્ટનમાં કહ્યું કે રાષ્ટ્રપતિ તરીકે, આખા દેશનું પ્રતિનિધિત્વ કરવાની જવાબદારી તેની રહેશે. બાઈડન જાહેરમાં લોકોને વિભાજનના બીજ વાવનારા ચીજોને પાછળ છોડવાની હિમાયત કરી. બાઈડને ટ્રમ્પને જીતનો દાવો ન કરવાની વાત પણ કરી હતી.
નવા ચૂંટાયેલા રાષ્ટ્રપતિની જેમ કર્યું સંબોધન
જો બાઈડને શુક્રવારે રાત્રે નવા ચૂંટાયેલા રાષ્ટ્રપતિની જેમ સંબોધન કર્યું હતું. તેમણે કહ્યું કે કોવિડ -19 મહામારી સાથે કામ કરવું એ પહેલી પ્રાથમિકતા છે. શુક્રવારે અમેરિકામાં રેકોર્ડ એક લાખ 27 હજાર કોવિડ -19 કેસ મળી આવ્યા હતા. જો બાઈડને પોસ્ટલ બેલેટ ગણતરી પછી પેન્સિલવેનિયા, જ્યોર્જિયા જેવા રિપબ્લિકન માટેના મહત્વના મનાતા રાજ્યોમાં જીત મેળવી છે, તેમણે જો કે કહ્યું હતું કે તેઓ મત ગણતરી પૂરી થવાની રાહ જોશે.
નોંધનીય છે કે અમેરિકામાં હાલમાં એક જ દિવસમાં 1 લાખ 27 હજાર જેટલા કોરોનાના કેસો નોંધાયા હતા. હાલમાં અમેરિકામાં કોરોનાની મહામારી ફરીથી વકરી રહી છે અને આ ચૂંટણીમાં લોકોના મતદાનને પ્રભાવિત કરવા વાળો આ પણ એક મોટો મુદ્દો હતો.
કમલા હેરિસ બિડેન સાથે જોવા મળી હતી
ડેલાવેર પ્રાંતમાં વાઇસ પ્રેસિડેન્ટ અને ભારતીય મૂળના સેનેટર કમલા હેરિસ પણ બિડેન સાથે હતા. તેઓએ કહ્યું, આપણે ગુસ્સો અને રોષ પાછળ છોડવો પડશે. હવે એવો સમય આવી ગયો છે કે આખા દેશને એક થવું પડશે અને ઉપચારની સાથે સાથે બધા જખમોને લઈ જવા પડશે બાઈડન કહ્યું કે રાષ્ટ્રપતિ તરીકે આખા દેશનું પ્રતિનિધિત્વ કરવાની તેમની જવાબદારી રહેશે.
કોરોના પર નિષ્ણાતો સાથે સલાહ
બાઈડન કહ્યું હતું કે કોરોનાના વધતા જતા કેસો અંગે તેમણે અને હેરિસ પહેલેથી જ બધા નિષ્ણાતો સાથે સંપર્ક કરી ચૂક્યા છે. કોરોનાએ અમેરિકામાં બે લાખ 30 હજારથી વધુ લોકોની હત્યા કરી છે. બિડેનના કહેવા મુજબ, તે પ્રથમ દિવસથી બધી માહિતી મેળવવા માંગે છે અને વાયરસને અંકુશમાં રાખવા માટે તેની એક્શન પ્લાનને તૈયાર રાખવા માંગે છે.