આ સાથે બિયાંકા એન્ડ્રેસ્કૂએ ન માત્ર પોતાનું પહેલું ગ્રાન્ડસ્લેમ ટાઇટલ જીત્યું પરંતુ સેરેના વિલિયમ્સને પોતાના રેકોર્ડ 24માં ગ્રાન્ડ સ્લેમ જીતવાથી રોકી. બિયાંકા ગ્રાન્ડસ્લેમ જીતનારી કેનેડાની પહેલી ખેલાડી બની ગઇ છે.
સેરેનાએ સતત બીજા વર્ષે ફ્લશિંગ મિડોસ (US Open) ની ફાઇનલમાં હાર મળી છે. ગત વર્ષે જાપાનની નાઓમી ઓસાકાને હરાવી હતી. ગત વર્ષે અમેરિકી ઓપનની ફાઇનલમાં જ 37 વર્ષની સેરેનાનો ચેર અમ્પાયરની સાથે ખટરાગ થયો હતો. આ વિવાદે મોટુ સ્વરુપ ધારણ કર્યું હતું.
નોંધનીય છે કે સેરેનાને સૌથી વધારે 24 ગ્રાન્ડસ્લેમ જીતીને મારગરેટ કોર્ટના રેકોર્ડની બરાબરી કરવા માટે જાન્યુઆરીમાં યોજાનારી વર્ષની પહેલી ગ્રાન્ડ સ્લેમ ઓસ્ટ્રેલિયન ઓપન સુધી રાહ જોવી પડશે. સેરેના કુલ 33 વાર ગ્રાન્ડસ્લેમ ફાઇનલ રમી છે.
જ્યારે બીજી તરફ બિયાંકા ઓપન એરામાં યૂએસ ઓપનના મેન ડ્રો ટૂર્નામેન્ટ ડેબ્યૂ બાદ ટાઇટલ જીતનારી પહેલી મહિલા બની ગઇ છે. 1968માં ટૂર્નામેન્ટની શરૂઆત થઇ હતી. બિયાંકાએ અત્યાર સુધીમાં પોતાના કરિયરમાં માત્ર ચાર મેજર ટૂર્નામેન્ટમાં ભાગ લીધો છે.
મેચ બાદ બિયાંકાએ સ્થાનીય ખેલાડી સેરેનાને હરાવવા માટે દર્શકોની માફી માંગી. બિયાંકાએ મેચ બાદ કહ્યું, 'હું જાણું છું કે આપ લોકો સેરેનાને તેનો સાતમો યૂએસ ઓપન ટાઇટલ જીતતા જોવ માટે આવ્યા હતા. તેથી હું આપની માફી માંગુ છું.' બાજૂમાં ઉભી સેરેના વિલિયમ્સ આ વાત સાંભળીને હસી પડી હતી. કેમકે તે જાણતી હતી કે બિયાંકાએ ઇતિહાસ રચ્યો છે.
19 વર્ષની બિયાંકા 2006માં અમેરિકી ઓપન ટાઇટલ જીતનારી રશિયાની મારિયા શારાપોવા બાદ ગ્રાન્ડસ્લેમ જીતનારી સૌથી યુવા ખેલાડી બની ગઇ છે.