ટીમ ઇન્ડિયાનો સ્ટ્રાઇક ફાસ્ટ બોલર ભુવનેશ્વર કુમાર હેમસ્ટ્રિંગના કારણે મેચના અધવચ્ચેથી બહાર નિકળી ગયો હતો, પરંતુ હવે જાણવા મળ્યું છે કે તેનું આ ખેંચાણ ખૂબ ગાઢ છે અને આગળની 2 3 મેચમાં જોવા મળશે નહીં.
વર્લ્ડકપમાં એક વખત ફરીથી ભરાતે પાકિસ્તાનને માત આપી છે. રવિવારે ઇંગ્લેન્ડના મેનચેસ્ટરમાં રમાયેલી મેચમાં ટીમ ઇન્ડિયાએ જોરદાર બેટિંગ અને પછી બોલિંગના દમ પર પાકિસ્તાનને હરાવ્યું. પરંતુ આ જીતની સાથે એક ખરાબ સમાચાર આવ્યા છે. ટીમ ઇન્ડિયાના સ્ટ્રાઇક ફાસ્ટ બૉલર ભુવનેશ્વર કુમાર હેમસ્ટ્રિંગના કારણે અધવચ્ચે મેચમાંથી બહાર નિકળી ગયો હતો, પરંતુ હવે જાણવા મળ્યું છે કે એનું આ ખેંચાણ ગાઢ છે. અને આગળની 2 3 મેચમાં જોવા મળશે નહીં.
મેચ પૂર્ણ થયા બાદ કેપ્ટન વિરાટ કોહલીએ નિવેદન આપ્યું કે ભુવનેશ્વર કુમારને હાલ થોડી સમસ્યા છે, એ લપસી ગયો જેના કારણે એના ખેંચાણ આવ્યું છે. એવું લાગે છે કે હવે એ આવતી 2 કે 3 મેચમાં ભાગ લઇ શકશે નહીં, પરંતુ અમને આશા છે કે એ લીગ મેચ દરમિયાન ટીમની સાથે જોડાઇ શકે છે.
જણાવી દઇએ કે આ વર્લ્ડકપમાં ભારતીય ટીમ માટે બીજા મોટો ઝટકો છે. આ પહેલા ઓપનર શિખર ધવનના હાથમાં ઇજા થવાના કારણે ટીમની બહાર ચાલી રહ્યો છે, એ ક્યારે વાપસી કરશે એ હજુ સુધી સ્પષ્ટ નથી. BCCI તરફથી શિખર ધવનના બેકઅપ તરીકે રિષભ પંતને ઇંગ્લેન્ડ બોલાવવામાં આવ્યો છે.
Worrying news for India as Bhuvneshwar Kumar walks off the pitch with an injury... pic.twitter.com/LjHWVN7qkP
— Cricket World Cup (@cricketworldcup) June 16, 2019
રવિવારે જ્યારે ભારતીય ટીમ બોલિંગ કરી રહી હતી, ત્યારે પાંચમી ઓવરમાં ભુવનેશ્વર કુમારના પગમાં ખેંચાણ આવ્યું હતું. એ પોતાની ઓવર પણ પૂરી કરી શક્યો નહતો અને વિજય શંકરે એની જગ્યા લીધી હતી. જો કે ભુવનેશ્વરની અધૂરી ઓવર ફેંકવા માટે આવેલા વિજયે પોતાના પહેલા બોલ પર વિકેટ પાડી દીધી હતી.