સનરાઈઝર્સ હૈદરાબાદનાં ભુવનેશ્વર કુમારે ઝાહીર ખાનને પણ પછાડ્યો , પૂરી કરી IPLમાં 150 વિકેટ
IPLમાં ભુવનેશ્વરની 150 વિકેટ પૂરી
ઈજાને કારણે કરિયર પર પડી હતી અસર
પાવરપ્લેમાં ભુવનેશ્વરનાં નામ પર સૌથી વધારે વિકેટ
IPLમાં ભુવનેશ્વરની 150 વિકેટ પૂરી
સનરાઈઝર્સ હૈદરાબાદનાં ફાસ્ટ બોલર ભુવનેશ્વર કુમારે રવિવારે IPLમાં એક ખાસ સિદ્ધિ મેળવી છે. ભુવનેશ્વર IPLમાં 150 વિકેટ લેનાર પહેલા ભારતીય બોલર બની ગયા છે. 150 વિકેટ લેનાર અન્ય બે ફાસ્ટ બોલર લસિથ મલિંગા અને ચેન્નાઈ સુપર કિંગ્સનાં ઓલરાઉન્ડર ડ્વેન બ્રાવો છે.
ભુવનેશ્વર કુમાર IPLમાં 150 વિકેટનાં આંકડા સુધી પહોંચનાર ઓવરઓલ સાતમાં બોલર બની ગયા છે. હરભજન સિંહ, પીયૂષ ચાવલા અને અમિત મિશ્રા અન્ય ત્રણ ભારતીય બોલર છે, જેમણે 150 IPL વિકેટ લીધી છે.
રાજસ્થાન રોયલ્સનાં સ્પિનર રવિચંદ્રન અશ્વિન પણ આ સિદ્ધિની ખૂબ જ નજીક છે. રાજસ્થાન રોયલ્સનાં સ્પિનર અશ્વિનએ અત્યાર સુધીમાં 167 IPL મેચમાં 145 વિકેટ લીધી છે.
ઈજાને કારણે કરિયર પર પડી અસર
વર્ષ 2016નાં IPLમાં સનરાઈઝર્સ હૈદરાબાદની જીતમાં ભુવનેશ્વર કુમારનો મુખ્ય રોલ હતો. ભુવનેશ્વરે તે સીઝનમાં કુલ 23 વિકેટ લીધી હતી. ત્યાર બાદ તેમણે 2017નાં IPLમાં 26 વિકેટ લીધી હતી. ગયા વર્ષોમાં ઈજાને કારણે IPL તથા ઇન્ટરનેશનલ ક્રિકેટમાં તેમના પ્રદર્શનમાં અસર પડતી જોવા મળી હતી.
IPL 2021માં ભુવનેશ્વરનું પ્રદર્શન ખરાબ રહ્યું હતું. તે સીઝન ભુવનેશ્વર કુમાર 11 મેચમાં માત્ર 6 વિકેટ મેળવી શક્યા હતા. આ પહેલા IPL 2020માં ઈજાને કારણે બહાર થયા પહેલા ભુવીએ ચાર મેચમાં ચાર મેચમાં ત્રણ વિકેટ મેળવી હતી. ભુવનેશ્વરને IPL 2022નાં ઓક્શનમાં 4.20 કરોડ રૂપિયામાં ખરીદવામાં આવ્યા હતા.
પાવરપ્લેમાં ભુવીનાં નામ પર સૌથી વધારે વિકેટ
ભુવનેશ્વર કુમારે પંજાબ કિંગ્સ સામે મેચમાં એક સિદ્ધિ પોતાને નામ કરી છે. ભુવી IPLમાં પાવરપ્લે ઓવર્સમાં સૌથી વધારે વિકેટ લેનાર બોલર બની ગયા છે. આ મામલામાં તેમણે ઝહિર ખાન અને સંદીપ શર્માને પણ પાછળ છોડી દીધા છે. ભુવીએ શિખર ધવનને આઉટ કરી પાવરપ્લેમાં પોતાની 53મી વિકેટ લીધી.