એક કિસ્સો અમદાવાદનો છે, જેમાં ચોરી કોણે કરી અને ચોરી વિશે કોણ જાણે છે તેની તપાસ કરાવવા ભુવાએ આપેલા સીંગદાણા ખાતા અન્ય યુવકની તબિયત લથડી અને હોસ્પિટલ જવું પડ્યું
ભુવા કે તાંત્રિક પાસે પહોંચતા ચેતજો
આવા અઠંગ લોકો પાસે નથી હોતી કોઈ વિદ્યા
માત્ર મૂર્ખ બનાવી પૈસા કમાવવા કરે છે છેતરપિંડી નો આ ધંધો
તમને જીવનમાં કોઈ સમસ્યા હોય તો, તેનો નિકાલ લાવવા માટે અઠંગ લોકો પાસે જતા ચેતી જજો. કારણકે આવા ઠગ લોકો પાસે કોઈ વિદ્યા હોતી નથી. અને તેવો માત્ર ભ્રમ અંધશ્રદ્ધા ફેલાવી લોકોને ગેરમાર્ગે દોરી રહ્યાં છે. આવો જ એક કિસ્સો અમદાવાદનો છે. જેમાં ચોરી કોણે કરી અને ચોરી વિશે કોણ જાણે છે. તેની તપાસ કરાવવા ઍક યુવક ભુવા પાસે પહોંચ્યો. ભુવાએ આપેલા સીંગદાણા ખાતા અન્ય યુવકની તબિયત લથડી અને હોસ્પિટલ જવું પડ્યું.
ભુવા જેવા સ્વાંગ મ દેખાતો આ શખ્સ વિજય નાડીયા છે. આરોપી ગોમતિપુર વિસ્તારમાં બેસી લોકોને છેતરે છે. બાવા અને ભુવા જેવો સ્વાંગ રચી તે લોકોને સમસ્યા દૂર કરી આપવાનું કહી છેતરે છે. ઍક યુવકનો ભાઈ ચોરીનો ભોગ બનતા તે શકમંદોને લઇને ભુવા પાસે પહોંચ્યો. જયાં તેણે સીંગદાણા મંતરીને ખાવા આપતાં ઍક યુવકની તબિયત લથડી. અને ભુવાની મદદ લેવી ભારે પડી અને સારવાર માટે હોસ્પિટલનાં બિછાને રહેવું પડયું.
અમરાઈવાડીમાં રહેતાં સંજય ભાઈના પિતરાઈ ભાઈના વાહનમાંથી 2.65 લાખ રૂપિયાની ચોરી થઈ હતી. જેની ફરીયાદ નોંધાવી પરિચીત લોકો પર શંકા હોવાથી પોલીસે તેઓની પૂછપરછ કરી હતી. બાદમાં સંજય ભાઈ ગોમતિપુરમાં આવતા ઍક યુવકે ભુવા બાબતે વાત કરી. આ યુવકે અગાઉ ચોરીનાં કેસમાં ભુવાએ મદદ કરી કોણ ચોરી વિશે જાણે છે. અને કોણે ચોરી કરી છે તે બાબતની માહિતી આ ભુવા એ આપી હતી.
જેથી સંજયભાઈ તે ભૂવા પાસે ગયા હતા અને ભુવા એ જે લોકો ચોરી વિષે જાણતા હોય તે લોકોને બોલાવ્યા હતા. ત્યારબાદ સંજયભાઈ અને તેમના પરિચિત લોકો કે જેઓ આ ચોરી બાબતે જાણતા હતા. તે તમામ લોકો ભૂવા પાસે પહોંચ્યા હતા અને બાદમાં ભુવાએ આ તમામ લોકોને સીંગદાણા ખવડાવ્યા હતા અને કહ્યું કે, ગળા તથા પેટમાં બળતરા થાય તે ચોરી વિશે જાણતો હશે. બાદમાં સંતોષ ભાઈ નામના વ્યક્તિને બળતરા થઈ અને ભૂવાએ તેમની પર શક રાખ્યો.
સંતોષ ભાઈને તાત્કાલિક હોસ્પિટલ લઇ જવાયા જયાં ડોક્ટરે જણાવ્યું કે કેફી પદાર્થ ખાવાથી ઝાડા ઉલટી થયાં હોઇ શકે. જેથી પોલીસ ફરીયાદ નોંધાતા સીંગદાણા ખવડાવી લોકોના સ્વાસ્થ્ય સાથે ચેડા કરનાર આ ભુવા સામે ફરીયાદ નોંધાવતા પોલીસે સમગ્ર મામલે આરોપીની ધરપકડ કરી કેટલા લોકોની સાથે આ પ્રકારે છેતરપિંડી કરી છે તેની તપાસ શરૂ કરી છે.