અવળચંડાઈ / પાકિસ્તાન, ચીન, નેપાળ બાદ હવે આ પડોશી દેશે ભારતની ચિંતામાં કર્યો વધારો, ભારતને મળતું પાણી રોકી દીધું

• 1953 થી ખેડુતો ભૂતાનની નદીઓના પાણીથી ઘાનનું સિંચન કરી રહ્યા છે
•  6000 જેટલા ખેડુતો સિંચાઈ માટેના ડોંગ પ્રોજેક્ટ પર નિર્ભર છે
• ભુતાને આસામના બક્સા જિલ્લામાં ખેડૂતોના પાણીને રોકી લીધું

ચીન અને નેપાળ પછી પાડોશી દેશ ભૂતાને પણ ભારતની ચિંતા વધારી છે. હકિકતમાં ભુતાને આસામના બક્સા જિલ્લામાં ખેડૂતોના પાણીને રોકી લીધું છે. બક્સા જિલ્લાના 26 થી વધુ ગામોના 6000 જેટલા ખેડુતો સિંચાઈ માટેના ડોંગ પ્રોજેક્ટ પર નિર્ભર છે. 1953 થી ખેડુતો ભૂતાનની નદીઓના પાણીથી ઘાનનું સિંચન કરી રહ્યા છે.

બે-ત્રણ દિવસથી બક્સાના ખેડુતો ભુતાનના આ પગલાનો વિરોધ કરી રહ્યા છે. સોમવારે વિરોધીઓ દ્વારા રોંગિયા-ભુતાન રસ્તો જામ કરવામાં આવ્યો હતો. ખેડુતો ઈચ્છે છે કે કેન્દ્ર સરકાર ભૂટાન સાથે આ મુદ્દો ઉઠાવે. હકીકતમાં દર વર્ષે ધાનની સિઝનમાં બક્સાના ખેડુતો ભારત-ભૂતાન બોર્ડર પર આવેલા સમદ્રુપ જોંગખાર વિસ્તારની મુલાકાત લે છે અને કાળા નદીનું પાણી સિંચાઈ માટે લાવે છે.