રાજકારણ / કોંગ્રેસી મુખ્યમંત્રીની ચેતવણી: BJPએ રાહુલ ગાંધીના મોંમાં હાથ નાખવાની કોશિશ કરી, ભારે પડશે

• નેશનલ હેરાલ્ડ કેસમાં ઈડીની પુછપરછ
• ઈડીની ઓફિસે પહોંચ્યા છે રાહુલ ગાંધી
• ભૂપેશ બઘેલે કર્યા આકરા પ્રહારો

નેશનલ હેરાલ્ડ કેસ મામલે રાહુલ ગાંધી સાથે આજે ફરી ત્રીજા દિવસે પણ પૂછપરછ થવાની છે. રાહુલ ગાંધી સાથે ઈડીએ વિતેલા બે દિવસમાં લગભગ 18 કલાક પૂછપરછ કરી ચુકી છે. તેમાં રાહુલ ગાંધીએ કેટલાય પ્રશ્નોના જવાબ આપ્યા છે. રાહુલ ગાંધીને મળેલી નોટિસ વિરુદ્ધ કોંગ્રેસ સતત અવાજ ઉઠાવી રહ્યું છે. બંને દિવસ રાહુલના સમર્થનમાં હજારો કોંગ્રેસી કાર્યકર્તાઓ વિરોધ પ્રદર્શનમાં જોડાયા હતા. આ દરમિયાન અસંખ્ય કાર્યકર્તાઓની ધરપકડ પણ થઈ છે. 

કોંગ્રેસ હેડક્વાર્ટર બહાર હોબાળો

કોંગ્રેસના હેડક્વાર્ટર બહાર કાર્યકર્તાઓ સતત પ્રદર્શન કરી રહ્યા છે. આપને જણાવી દઈએ કે, આજે સતત ત્રીજા દિવસે પણ ઈડી દ્વારા રાહુલ ગાંધીની પૂછપરછ થઈ રહી છે, જેના માટે રાહુલ ગાંધી ઈડીની ઓફિસે પહોંચી ગયા છે. 

#WATCH| We can't bring our own staff to the AICC office now; we were told that only 2 CMs can come here & no one else has the permission... 'unhone Rahul Gandhi ke muh mei haath daalne ki koshish ki hai, unko bahut mehengi padegi': Chhattisgarh CM & Congress leader Bhupesh Baghel pic.twitter.com/H79k9jwHYz

— ANI (@ANI) June 15, 2022

ભૂપેશ બઘેલના પ્રહારો

છત્તીસગઢના મુખ્યમંત્રી ભૂપેશ બઘેલે કહ્યું હતું કે, ભાજપે રાહુલ ગાંધીના મોઢામાં હાથ નાખવાની કોશિશ કરી છે, તેમને આ બહું મોંઘુ પડશે. તમે કાર્યકર્તાઓ અને નેતાઓને કાર્યાલયમાં આવવા પર પ્રતિબંધ લગાવી રહ્યા છો, આપ કોઈને પણ એક હદ સુધી દબાવી શકો છો, તેનાથી ઉપર નહીં. સમગ્ર દેશ આ ઘટનાને અત્યંત નજીકથી જોઈ રહ્યો છે.

સંસદમાં જશે કોંગ્રેસના સાંસદો
 
કોંગ્રેસના કેટલાય કાર્યકર્તાઓ અને નેતાઓ કોંગ્રેસ હેડક્વાર્ટર જતાં રોકવામાં આવ્યા છે. જે બાદ તેમને નિર્ણય કર્યો છે કે, તેઓ સંસદમાં જઈને ગાંધી પ્રતિમા આગળ ધરણાં કરશે.