ચૂંટણી / ભૂપેન્દ્રસિંહ ચૂડાસમાને ઝટકો: હાઈકોર્ટે વિધાનસભા 2017ની ધોળકા બેઠકની ચૂંટણી કરી રદ્દ

• ભૂપેન્દ્રસિંહ ચૂડાસમાની જીતને પડકારતી અરજીનો મામલો
• ગુજરાત હાઈકોર્ટ આજે ચૂકાદો આપ્યો
• ભૂપેન્દ્ર સિંહ ચૂડાસમા હવે નહીં રહે શિક્ષણમંત્રી

2017 ધોળકા બેઠકની ચૂંટણી રદ

મંત્રી ભૂપેન્દ્રસિંહ ચૂડાસમાને મોટો ઝટકો લાગ્યો છે. ભૂપેન્દ્રસિંહ ચૂડાસમા હાલ રાજ્યના શિક્ષણમંત્રી છે. ગુજરાત હાઈકોર્ટે ચૂંટણી રદ્દ કરવા આદેશ કર્યો છે. ગુજરાત હાઇકોર્ટે ભૂપેન્દ્રસિંહની વિરુદ્ધમાં ચુકાદો આપ્યો છે. ચુડાસમાની જીતને પડકારતી અરજીમાં નિર્ણય આવ્યો છે. કોંગી ઉમેદવાર અશ્વિન રાઠોડની તરફેણમાં ચુકાદો આવ્યો છે. આગામી 3 સપ્તાહમાં SCમાં ચુડાસમા અરજી કરી શકે છે. 

સત્તાનો દુરપયોગ કરનાર સામે HCની નારાજગી

વીડિયો કોન્ફરન્સથી ચુકાદા બાદ કોર્ટના અવલોકનથી ચુકાદો આવ્યો છે. બેલેટ પેપરની મતગણતરીમાં ગેરરીતિ થઈ છે. ગેરરીતી થઇ જેથી ચૂંટણી રદ્દ કરવા આદેશ કર્યો છે. ચૂંટણી અધિકારીએ પણ બેદરકારી કરી  છે. 

#Gujarat’s Law Minister declared to be elected unlawfully. Bhupendrasinh Chudasama’s election declared illegal, null and void by Gujarat Highcourt. He had illegally crafted his win. In 2017#GujaratModelExposed

— Shaktisinh Gohil (@shaktisinhgohil) May 12, 2020

ઉલ્લેખનીય છે કે 2017માં યોજાયેલી ગુજરાત વિધાનસભાની ચૂંટણી હાલના રાજ્યના શિક્ષણ મંત્રી ભુપેન્દ્રસિંહ ચુડાસમાએ કોંગ્રેસના ઉમેદવારની હરાવી નજીવા મતથી જીત મેળવી હતી. જો કે ભુપેન્દ્રસિંહ ચુડાસમાની આ જીતને પડકારતી અરજી હાઇકોર્ટમાં કરવામાં આવી હતી. જેમાં આ ચૂંટણીમાં ગેરરીતિ અચરાઇ હોવાના આક્ષેપ સાથે આ અરજી કરવામાં આવી હતી. 

શું છે મામલો

ગુજરાત વિધાનસભાની 2017માં યોજાયેલી ચૂંટણીમાં ભાજપના ઉમેદવાર ભૂપેન્દ્રસિંહ ચુડાસમા ધોળકા બેઠક પરથી માત્ર 327 મતે જીત્યા હતા. આ મત ગણતરીમાં બેલેટ પેપરની ગણતરી કરવામાં ના આવતા સમગ્ર વિવાદ ઉદ્ભવ્યો હતો. આ મામલે કોંગ્રેસના ઉમેદવાર અશ્વિન રાઠોડે ફરિયાદ કરી હતી કે બેલેટ પેપરના 429 જેટલા મત તેમના તરફી હતા તેને ધ્યાને લેવામાં આવ્યા ન હતા.

ચૂંટણી પંચના નિયમ અનુસાર EVMની મત ગણતરી પહેલા બેલેટ પેપરની ગણતરી કરવાની જોગવાઇ છે. જોકે, આ નિયમને બાજુમાં મુકી EVMની સીધી મત ગણતરી કરવામાં આવી હતી. આચારસંહિતા હતી ત્યારે ભૂપેન્દ્ર ચુડાસમાને લાભ કરાવવાના હેતુથી ડેપ્યુટી કલેક્ટર તરીકે ગૌરાંગ પ્રજાપતિના સ્થાને ધવલ જાનીની નિમણૂંક કરાઇ હતી.રહ્યું.