ઇલેક્શન 2022 / સિદ્ધપુરના કોંગી ઉમેદવાર ચંદનજી ઠાકોરના વિવાદીત નિવેદન મામલે ભૂપેન્દ્ર પટેલે સાધ્યું નિશાન, જાણો સમગ્ર મામલો

• કોંગ્રેસના ઉમેદવાર ચંદનજી ઠાકોરના નિવેદન પર ભૂપેન્દ્ર પટેલે સાધ્યું નિશાન
• મુખ્યમંત્રી ભૂપેન્દ્ર પટેલે ટ્વિટ મારફતે સાધ્યું નિશાન
• CM ભૂપેન્દ્ર પટેલે કોંગ્રેસ ઉમેદવારના શબ્દોને શરમજનક શબ્દો ગણાવ્યા

ગુજરાત ચુંટણીને લઇને રાજકારણ ચરમસીમાએ પહોંચ્યું છે. આવી સ્થિતિમાં સિધપૂરના કોંગ્રેસના ધારાસભ્ય ચંદનજી ઠાકોરના વિવાદિત નિવેદનથી રાજનીતિમાં ખળભળાટ મચી ગયો છે. 'દેશને લઘુમતી સમાજ જ બચાવી શકે' તે અંગેના નિવેદન વાળો કોંગ્રેસના ચંદનજી ઠાકોરનો વિડીયો વાયરલ થતાં સવાલો ઊભા થયા છે. બીજી બાજુ આ મામલે મુખ્યમંત્રી ભૂપેન્દ્ર પટેલે ટ્વિટ મારફતે નિશાન સાધ્યું છે અને કોંગ્રેસ ઉમેદવારના શબ્દોને શરમજનક શબ્દો ગણાવ્યા છે.

Shameful words!

Fearing defeat, Congress yet again resorts to minority appeasement.

But Congress should know that no one will be able to save Congress Party from defeat! pic.twitter.com/cr6cL4QFYA

— Bhupendra Patel (@Bhupendrapbjp) November 19, 2022

મુખ્યમંત્રી ભૂપેન્દ્ર પટેલએ ટ્વિટર પર લખ્યું આવું! 
મુખ્યમંત્રી ભૂપેન્દ્ર પટેલએ ટ્વિટર પર વાર કરતા કહ્યું કે આ શરમજનક શબ્દો છે. એટલુ જ નહીં હાર ભાળી ગયેલી કોંગ્રેસ ફરી લઘુમતી તુષ્ટિકરણ તરફ જતી હોવાના પણ ભૂપેન્દ્ર પટેલએ આક્ષેપ કર્યો છે. વધૂમાં એમ પણ લખ્યું હતું કે કોંગ્રેસને ખબર હોવી જોઈએ કે તેને હાર થી કોઈ બચાવી શકે નહીં. બીજી બાજુ કોંગ્રેસ પાસે હાલ કોઈ મુદા ન હોવાથી આ પ્રકારના નિવેદન આપતા હોવાનું પણ ઉમેર્યું હતું.

શું હતો સમગ્ર મામલો? 
સિદ્ધપુર વિધાનસભા કોગ્રેસના ઉમેદવાર ચંદનજી ઠાકોર ચૂંટણીમાં મેદાને ઉતાર્યા છે. ત્યારે એક સભામાં તેમણે નિવેદન આપ્યું હતું.  વિકાસના નામે ભાજપ વાળા મત લઇ ગયા બાદ કામગીરી ન કરતા દેશ ખાડામાં ધકેલાઇ ગયો છે. જે દેશને માત્રને માત્ર લઘુમતી સમાજ જ બચાવી શકે અને કોંગ્રેસ પક્ષ જ બચાવી શકે તેવું નિવેદન આપ્યું હતું. આ ઉપરાંત ધર્મના નામ સત્તાધારી પક્ષ પર આડેધડ પ્રહારો કર્યા હતા.  જેને લઇને વિવાદ જાગ્યો છે.