આજકાલ સોશિયલ મીડિયા પર મોટાભાગના લોકો એકબીજાને સ્ટોક કરે છે અને પ્રોફાઈલ ચેક કરે છે. જોકે, ઘણાં હીરો હીરોઈન્સમાં પણ આ આદત હોય છે. હાલમાં ભૂમિ પેડનેકરે કબૂલ કર્યું કે તે અન્ય સેલેબ્સના સોશિયલ મીડિયા પ્રોફાઈલ ચેક કરે છે. ખાસ કરીને પ્રિયંકા ચોપડાની સોશિયલ મીડિયા પ્રોફાઈલ તે સ્ટોક કરે છે.
બોલિવૂડ સેલેબ્સ સોશિયલ મીડિયા પર એકબીજાને કરે છે સ્ટોક
ભૂમિ પેડનેકર પ્રિયંકા ચોપડાની પ્રોફાઈલ કરે છે ચેક
ભૂમિ ડેટ કરવા માગે છે નિક જોનસને
એક ચેટ શો દરમિયાન ભૂમિએ કહ્યું હતું કે, જો તેને કોઈના પતિ કે બોયફ્રેન્ડને ડેટ કરવાનો મોકો મળે તો તે પ્રિયંકા ચોપડાના પતિ નિક જોનસને ડેટ કરવા ઈચ્છે છે, કારણ કે તે એક સેન્સેશન છે અને ઘણો જ પોપ્યુલર પણ છે. જોકે, ભૂમિએ આ વાત ઘણાં સમય પહેલાં કહી હતી, પરંતુ અત્યારે તેનો આ ઈન્ટરવ્યૂ સોશિયલ મીડિયા પર ચર્ચામાં છે.
ઉલ્લેખનીય છે કે, ભૂમિ પેડનેકરની ફિલ્મ 'પતિ પત્ની ઔર વો' શુક્રવારે રિલીઝ થઈ ચૂકી છે. જેમાં કાર્તિક આયર્નની સાથે તેની કેમિસ્ટ્રી લોકોને ખૂબ પસંદ આવી રહી છે. આ ફિલ્મમાં તે કાર્તિકની પત્નીનો રોલ નિભાવી રહી છે. જ્યારે અનન્યા પાંડે કાર્તિકની ગર્લફ્રેન્ડનો રોલ પ્લે કરી રહી છે. આ સિવાય તે 'ભૂત-પાર્ટ વનઃ ધ હોન્ટેડ શિપ' અને 'ડોલી કિટ્ટી ઔર વો ચમકતે સિતારે'માં જોવા મળશે. આ ફિલ્મો વર્ષ 2020માં રિલીઝ થશે.