અજય દેવગણની ફિલ્મ ભૂજ ધ પ્રાઇડ ઓફ ઇન્ડિયાનું બીજુ ટ્રેલર રિલીઝ થઇ ગયુ છે. આ ટ્રેલર જોઇને લોકો દેશભક્તિમાં જરૂર ડૂબી જશે.
અજય દેવગણની ફિલ્મ ભૂજનું ટ્રેલર રિલીઝ
દમદાર ડાયલોગ્સ દિલ જીતી લેશે
ભૂજના યુદ્ધની કહાણી દર્શાવે છે ફિલ્મ
અજય દેવગણના ડાયલોગ તમને ખરેખર યુદ્ધ જેવી ફીલીંગ આપશે. સ્વતંત્રતા દિવસવાળા વિકેન્ડમાં જ અજય દેવગણની ફિલ્મ ભૂજ ધ પ્રાઇડ ઓફ ઇન્ડિયા રિલીઝ થવાની છે. 13 ઓગસ્ટે ઓટીટી પ્લેટફોર્મ ડિઝ્ની પ્લસ હોટસ્ટાર પર રિલીઝ થશે.
દમદાર ડાયલોગ્સ
તૂ હમારી ઓકાત કા અંદાજા ક્યા લગાયેગા, હમ ઉસ છત્રપતિ શિવાજી મહારાજ કી ઓલાદ હૈ જીન્હોને મુગલોકો ઘૂટનો પે લા દિયાથા ઓર અપને ખૂન સે હિન્દુસ્તાન કા ઇતિહાસ લીખા થા. આ પ્રકારના ઘણા ડાયલોગ્સ છે જે તમારા રુંવાડા ઉભા કરી દશે.
અજય દેવગનની એક્શન ફિલ્મ 'ભુજ ધ પ્રાઈડ ઓફ ઇન્ડિયા' ગુજરાતના ભુજ શહેર પર આધારિત છે. આ ફિલ્મના ધમાકેદાર ટ્રેલરને નિહાળ્યા બાદ સૌ કોઈએ તેના વખાણ કર્યા છે. ટ્રેલરની શરૂઆતમાં 1971, ભુજ ગુજરાત લખેલું જોવા મળે છે. તે બાદ દર્શાવામાં આવ્યું છે કે, ભારતીય એરબેસ પર પાકિસ્તાન એરફોર્સ અચાનક હુમલો કરે છે. ત્યારબાદ ઇન્ડિયન એરફોર્સ પણ જવાબી હુમલો કરતી જોવા મળે છે. ટ્રેલરમાં મિસાઈલ લોન્ચ અને યુદ્ધ જહાજો પર હુમલો જેવી ઘટના જોવા મળે છે.
ફિલ્મમાં અજય દેવગને ભજવ્યો એરફોર્સ ઓફીસરનું પાત્ર
'ભુજ ધ પ્રાઈડ ઓફ ઇન્ડિયા' ફિલ્મના ટ્રેલરમાં અજય દેવગન એરફોર્સના યુનિફોર્મમાં જોવા મળે છે. સોનાક્ષી સિન્હા દેશી અને સિમ્પલ લુકમાં નજરે પડે છે. ટ્રેલરમાં સંજય દત્ત સસ્પેન્સીવ રીતે નજર આવે છે. આ ટ્રેલરમાં ડાન્સિંગ ક્વીન નોરા ફતેહી પણ જોવા મળે છે. આ સિવાય બેકગ્રાઉન્ડમાં અજય દેવગાનનો અવાજ પણ સંભળાઈ રહ્યો છે, જેમાં તે બધાને પોતાની મૃત્યુ પર શોક ન કરવા માટે કહેતો હોય છે.
'ભુજ ધ પ્રાઈડ ઓફ ઇન્ડિયા' ફિલ્મ સ્વતંત્રતા દિવસના એક દિવસ પહેલા 13 ઓગસ્ટે રિલીઝ થવાની છે. આ ફિલ્મ ડિજિટલ પ્લેટફોર્મ, ડિઝ્ની પ્લસ VIP પર રિલીઝ થવાની છે. અભિષેક દુધૈયા દ્વારા ડાઈરેક્ટેડ આ ફિલ્મમાં અજય દેવગન, સંજય દત્ત અને સોનાક્ષી સિન્હા જેવા સ્ટાર્સ સિવાય એમી વિર્ક, નોરા ફતેહી અને શરદ કેલકરે પણ મહત્વની ભૂમિકા ભજવી છે.