2013ના દુષ્કર્મ કેસમાં ભુજની પોક્સો કોર્ટે આપ્યો ચુકાદો 10 વર્ષની કેદની સાથે 20 હજારનો દંડ 

દુષ્કર્મ આચરવાના કિસ્સામાં ભુજ પોક્સો કોર્ટે આરોપીને  10 વર્ષની કેદ અને 20હજારનો દંડ ફટકાર્યો છે.  સમગ્ર ઘટના પર નજર કરીયે તો 2013માં બનેલા આ બનાવમાં મૂળ ઉતર ગુજરાતનો શ્રમજીવી સગીરાનું અપહરણ કરી અલગ અલગ સ્થળોએ લઈ જઈ તેની સાથે દુષ્કર્મ આચર્યુ હતુ. 

જે બનાવ અંગે ગઢશીશા પોલીસ મથકે ફરિયાદ નોંધાવા પામી હતી.  કેસની હકીકત એવી છે કે પાટણ જિલ્લાના જોરાપુર સમી તાલુકાના જામથડા વાડી વિસ્તારનો વતની એવો ભરત રણછોડ ઠાકોર વર્ષ  2013માં ભોગ બનનારી સગીરા સાથે ખેત મજુરી કરતો હતો અને તેને લલચાવી ફોસલાવી જીપમાં બેસાડીને તેનું અપહરણ કરી જઈ રાધનપુર સહિતના સ્થળોએ લઈ જઈ એકથી વધુ વખત બળાત્કાર ગુર્જાયો હતો. 

જે અંગે ગઢશીશા પોલીસ મથકે તેની વિરુદ્ધ ફેબુ્રઆરી 2013ના રોજ ફરીયાદ નોંધાઈ હતી આ કેસ ભુજની વિશેષ પોક્સો કોર્ટમાં ચાલી જતા સાડા ચાર વર્ષની લાંબી સુનાવણી બાદ ગઈકાલે 25 સાક્ષીઓ અને 32દસ્તાવેજોના પુરાવાના આધારે પોક્સો કોર્ટના વિશેષ જજ એલ.જે.ચુડાસમાએ આઈપીસીની તમામ કલમો હેઠળ દોષી ઠેરવી કુલ 10 વર્ષની કેદ અને 20 હજારનો દંડ ફટકાર્યો છે.

આ કેસમાં કોર્ટે આઈપીસી 363 હેઠળ ત્રણ વર્ષની કેદ અને બે હજારનો દંડ 366 હેઠળ સાત વર્ષની કેદ અને ત્રણ હજારનો દંડ 376 હેઠળ 10 વર્ષની કેદ અને પાંચ હજારનો દંડ પોક્સોની કલમ-3 અને અને 4 હેઠળ 10 વર્ષની કેદ અને પાંચ હજારનો દંડ તેમજ પોકસોની કલમ 5(એલ) અને 6 હેઠળ 10 વર્ષની કેદ અને પાંચ  હજારનો દંડ ફટકાર્યો છે.