નોટીસ / ભુજ નગરપાલિકાનો નવતર પ્રયોગ, વાજતે ગાજતે ઢોલ વગાડીને લેણદારોને આપ્યા ગુલાબ અને નોટીસ

• વિનમ્રતા સાથે વેરાની વસૂલાત, નગરપાલિકાનો નવતર પ્રયોગ 
• લેણદારોને આપ્યું ગુલાબનું ફૂલ , ગુલાબના ફૂલ સાથે કરી અપીલ
• ઢોલ વગાડી આપી નોટીસ

માર્ચ મહિનો નજીક આવતા સરકારી વિભાગો લેણા વસૂલવા સક્રીય બન્યા છે ત્યારે ભુજ સુધરાઈએ પણ 1 લાખથી વધુના લેણા ધારકોના દ્વારે જઈને ઢોલ વગાડી લેણાની નોટિસ આપી હતી જો કે,આ વખતે નવતર અભિગમ કરી લેણદારોને ગુલાબનું ફૂલ અપાયું હતું

ઢોલ વગાડી નોટિસ આપી હતી 

ભુજ નગરપાલિકા દ્વારા ગટર,પાણી,લાઇટની વ્યવસ્થા પેટે વેરા વસૂલવામાં આવે છે પરંતુ ભુજની ઘણી હોટલો, દવાખાના, દુકાન, શો રૂમ ધારકો સમયસર વેરા મળતા નથી છેલ્લા લાંબા સમયથી એક લાખ કે ઉપરના બાકીના લેણા ધારકોને ત્યાં સુધરાઈની ટીમે જઈ ઢોલ વગાડી નોટિસ આપી હતી.

ગુલાબનું ફૂલ અપાયું હતું

સાથે ગાંધીગીરી કરવામાં આવી હતી બાકીદારોને ગુલાબનું ફૂલ અપાયું હતું જો સમયસર બે દિવસમાં વેરા ભરવામાં નહિ આવે તો ગટર, પાણીના કનેક્શનો કાપવાની ચીમકી અપાઈ હતી ભુજના હોસ્પિટલ રોડ, બસ સ્ટેશન, લાલ ટેકરી સહિતના વિસ્તારોમાં બાકીદારોના દ્રારે જઇ ઢોલ વગાડી લેણાની નોટિસ અપાઈ હતી નોંધનીય છે કે,ગત વર્ષે સુધરાઈને અંદાજે 10 કરોડ ની આવક ટેક્ષ પેટે થઈ હતી જે સામે ચાલુ વર્ષે અત્યારસુધીમાં 8 કરોડની આવક થવા પામી છે.