ભૂજ નગરપાલિકાની પાઈપલાઈનમાં ભંગાણ પડયું છે. મળતી માહિતી પ્રમાણે જિલ્લા ઉદ્યોગ કેન્દ્ર સામે ગેસ લાઈનની કામગીરી દરમિયાન પાણીની પાઈપ લાઈનમાં ભંગાણ પડયું છે. જેના કારણે લાખો લીટર પાણીનો વેડફાટ થયો છે. રસ્તા પર પાણી ફરી વળ્યુ છે. એક તરફ લોકો પાણી માટે બુમરાણ પાડી રહ્યા છે. બીજી તરફ લાખો લીટર પાણીનો આ રીતે વેડફાટ થઈ રહ્યો છે.
ઉલ્લેખનીય છે કે રાજ્યમાં પાણીની તંગી છે અને સમગ્ર ગુજરાતની પ્રજા પાણી માટે પોકાર કરી રહી છે ત્યારે આજરોજ ભૂજ નગરપાલિકાની પાણીની પાઇપલાઇનમાં કોઇ કારણોસર ભંગાણ પડતા લાખો લીટર પાણીનો બગાડ થયો હતો.
આ ઘટનાને પગલે રોડ પર પાણી ફરી વળ્યું હતું. જો કે પાણીના આ બગાડને જોઇને લોકોએ નગરપાલિકાના અણઘણ વહીવટ પર ફિટકાર વરસવ્યો હતો.અને આ ઘટના પાછળ જોડાયેલા સામે કડક કાર્યવાહી કરવા માંગ પણ કરી હતી.