અમદાવાદ / સ્માર્ટ સિટી બન્યું ભુવાનગરી, એક જ દિવસમાં 3 ભુવા તો 10 દિવસમાં પડ્યા 20 ભુવા, મોતના આ સામાનનો કાયમી ઉપાય ક્યાં?

• ભુવાનગરી અમદાવાદમાં વધુ એક ભુવો પડ્યો
• ચોમાસા પહેલા અમદાવાદ શહેરમાં 19 ભુવા પડ્યા
• શિવરંજની ચાર રસ્તાની વચ્ચે વિશાળ ભુવો પડ્યો
• AMC દ્વારા ભૂવાને કોર્ડન કરવામાં આવ્યો

 અમદાવાદને સ્માર્ટ સિટીનો દરજ્જો તો મળ્યો છે. પરંતુ હવે ભુવા નગરીનો દરજ્જો પણ આપવામાં આવે તો નવાઈ નથી. કારણ કે, રોજ અમદાવાદમાં કોઈને કોઈ જગ્યાએ ભુવા પડે છે. અને કોઈને કોઈ લોકો તેનો ભોગ. આજે એક જ દિવસમાં અમદાવાદમાં ત્રણ જગ્યાએ ભુવા પડવાની ઘટના સામે આવી છે. જેમાં એક ભુવો શિવરંજની ચાર રસ્તા વચ્ચે. તો બીજો ભુવો શેલ્બી હોસ્પિટલ નજીક. જ્યારે ત્રીજો ભુવો ઓઢવાનાં ગણેશ ચોક ખાતે પડ્યો છે. તેવામાં આ ભુવાની ભરમારથી હવે અમદાવાદીઓમાં પણ ભારે રોષ જોવા મળી રહ્યો છે.

ભુવાનાં સમારકામમાં એક-એક મહિનો કાઢવામાં આવે છે
અહીં નવાઈ પમાડતી અને સૌથી ગંભીર વાત એ સામે આવી છે કે, અમદાવાદ શહેરમાં છેલ્લા 10 દિવસમાં જ 20 ભુવા પડ્યા છે. અને મનપા દ્વારા આ તમામ ભુવાને કોર્ડન કરીને સંતોષ માની લેવામાં આવી રહ્યો છે. જ્યારે તેના સમારકામમાં એક-એક મહિનો કાઢવામાં આવે છે. જેના કારણે રોજ લોકોને મુશ્કેલીઓ વેઠવી પડે છે. 

બાઈકવાળો ભુવામાં પડતા પડતા બચી ગયોઃ રહીશ
આ બાબતે શિવરંજની વિસ્તારમાં રહેતા રહીશ આર.એસ. ગૌસ્વામીએ જણાવ્યું હતું કે આ વારંવાર ભુવા પડે છે. ત્યારે કોર્પોરેશન દ્વારા ધ્યાન આપવાની જરૂર છે.  આ નાનો નહી પરંતું બહુ મોટો ભૂવો છે. કાલે બાઈકવાળો આ ભુવામાં પડતા પડતા બચી ગયો છે. ત્યારે બાઈકવાળાનો જીવ બચી ગયો નહીતર તે 100 ટકા મરી ગયો હોત. ત્યારે ચોમાસું આવે તે પહેલા તો ભુવા પડવાનાં ચાલુ થઈ જાય છે.  જો રોડ થોડા વ્યવસ્થિત બનાવવામાં આવે તો આ ભુવા પડવાની સમસ્યા ન સર્જાય.