વાહ ! / 1300 કિમીના દેશના સૌથી લાંબા નર્મદા એક્સપ્રેસ વેની જાહેરાત, ગુજરાતથી થતાં પરિવહનને મળશે વરદાન

• MPમાં લાંબો નર્મદા એક્સપ્રેસ-વે બનાવવામાં આવ્યો
• આ એક્સપ્રેસ-વે મધ્ય પ્રદેશના 11 જિલ્લામાંથી થશે પસાર
• છત્તીસગઢ સીધુ ગુજરાત સાથે જોડાશે

એક્સપ્રેસના નિર્માણમાં 31 હજાર કરોડ રૂપિયાનો ખર્ચ આવશે

આ એક્સપ્રેસના નિર્માણમાં 31 હજાર કરોડ રૂપિયાનો ખર્ચ આવશે. આ એક્સપ્રેસ વે બની જવાથી છત્તીસગઢ સીધુ ગુજરાત સાથે જોડાશે. આ એક્સપ્રેસ વે દિલ્હી-વડોદરા એક્સપ્રેસ કોરિડોર સાથે જોડાશે. નર્મદા એક્સપ્રેસ વે રાજ્યનો સૌથી મોટો રસ્તો હશે. જેનાથી અંદાજે 30 એનએચ, સ્ટેટ હાઈવે અને જિલ્લાના ઘણાં મહત્વપૂર્ણ રસ્તાને જોડવામાં આવશે. લગભગ 12 શહેરોને સીધો તેનાથી કનેક્ટ કરવામાં આવશે.

રાજ્યનો સૌથી લાંબો એક્સપ્રેસ-વે

આ દેશનો સૌથી લાંબો સિક્સલેન અને રાજ્યનો સૌથી લાંબો એક્સપ્રેસ-વે હશે. 1265 કિલોમીટર લાંબા આ એક્સપ્રેસના નિર્માણમાં 31 હજાર કરોડનો ખર્ચ આવશે. પ્રારંભિક માહિતી મુજબ, આ એક્સપ્રેસ-વે અનૂપપુર, ડિંડોરી, મંડલા, જબલપુર, નરસિંહપુર, હોશંગાબાદ, હરદા, ખંડવા, ખરગૌન, બડવાની અને અલીરાજપુર જિલ્લામાંથી પસાર થશે. જેમા પ્રતિ કિમી રસ્તો આશરે 25 કરોડ રૂપિયામાં બનશે. રસ્તાની બંને બાજુ બંધ હશે. જેને આશરે 100 મીટરનો બનાવવામાં આવશે.

મધ્ય પ્રદેશના અનૂપપુરને છત્તીસગઢ સાથે જોડવામાં આવશે

ઉલ્લેખનીય છે કે, નર્મદા એક્સપ્રેસ-વેમાં મધ્ય પ્રદેશના અનૂપપુરને છત્તીસગઢ સાથે જોડવામાં આવશે. બીજી તરફ અલીરાજપુરના રસ્તાને અમદાવાદ સુધી વધારવામાં આવશે. આ રીતે આ એક્સપ્રેસ-વે ગુજરાત સાથે કનેક્ટ થશે. આ રીતે પૂર્વ મધ્ય પ્રદેશ અને પશ્ચિમ મધ્ય પ્રદેશ સાથે સીધો જોડાશે. આ પ્રોજેક્ટનો એલાઈનમેન્ટ રિપોર્ટ સામે આવ્યો છે. અધિકારીઓએ આ રિપોર્ટમાં રાજ્યના 12 સ્ટેટ હાઈવે અને નેશનલ હાઈવેનો સમાવેશ કર્યો છે. જે સ્ટેટ હાઈવેને એલાઈનમેન્ટ રિપોર્ટમાં સામેલ કરાયો છે, તેઓ અત્યારે ટૂ-લેન છે. આ માર્ગને એક્સપ્રેસ-વેમાં સામેલ કરાતા તેને પહોળા કરી દેવામાં આવશે. ત્યારબાદ આ રસ્તા ટૂ લેનમાંથી ફોર લેન થઇ જશે.

નર્મદા એક્સપ્રેસ-વેના એલાઈનમેન્ટનું પ્રેઝન્ટેશન

જાણકારી મુજબ, લોક નિર્માણ મંત્રી ગોપાલ ભાર્ગવે નર્મદા એક્સપ્રેસ-વેના એલાઈનમેન્ટનું પ્રેઝન્ટેશન જોયુ છે. જેના માટે તેઓ સહમત થઇ ગયા છે. હવે અધિકારી તેનું પ્રેઝન્ટેશન મુખ્યમંત્રી શિવરાજ સિંહ ચૌહાણની સામે કરશે. જેવી તેની સ્વીકૃતિ મળે છે તેવુ જ આ પ્રેઝન્ટેશનને મધ્ય પ્રદેશ રોડ ડેવલોપમેન્ટ કોર્પોરેશનના સંચાલક મંડળમાં મુકી દેવામાં આવશે. ત્યારબાદ ડીપીઆર તૈયાર કરવામાં આવશે.