કમલનાથ સરકાર મહિલાઓ માટે દારુના આઉટલેટ ખોલશે. મધ્ય પ્રદેશ સરકાર મોટા શહેરોમાં મહિલાઓ માટે અલગ દારુના આઉટ લેટ ખોલવા જઈ રહી છે. કમલનાથ સરકારે નવો નિર્ણય લીધો છે. પહેલા તેમણે દારુમાંથી આવક વધારવા માટે દારુની ઓનલાઈન ખરીદી- વેચાણ કરવા માટે છુટ આપી. તેમજ તેમણે પ્રવાસન સ્થળોએ લીકર શોપના નવા લાઈસન્સ ઈસ્યુ કરવાની પણ પરવાનગી આપવાની વાત કરી હતી. હવે તેમણે મહિલાઓને આમાં પણ અલગ આઉટલેટ્સ આપ્યા છે.
મહિલાઓ માટે દારૂની અલગથી દુકાન શરૂ કરાશે
મહિલાઓ રોકટોક વગર દારૂ ખરીદી શકે તેવો પ્રયાસ
શરૂઆતમાં ગ્વાલિયર ભોપાલ અને ઇન્દોરમાં શરૂ કરાશે દુકાનો
લીકર શોપ પર માત્ર વિદેશી દારૂ મળશે
મધ્યપ્રદેશ સરકારનો દારુને લઈને વધુ એક નિર્ણય. મહિલાઓ માટે દારૂની અલગથી દુકાન શરૂ કરાશે. મહિલાઓ રોકટોક વગર દારૂ ખરીદી શકે તેવો પ્રયાસ સરકાર દ્વારા કરવામાં આવ્યો છે. શરૂઆતમાં ગ્વાલિયર, ભોપાલ, જબલપુર અને ઇન્દોરમાં દુકાનો શરુ કરાશે. આ લીકર શોપમાં માત્ર વિદેશી દારૂ મળશે.
ભાજપે તેનો વિરોધ શરુ કરી દીધો છે
મહિલાઓને સ્પેશિયલ અટેન્શન આપવા માટે મધ્યપ્રદેશ સરકારએ મહિલાઓ માટે દારુના નવા આઉટ લેટ્સ બનાવવા જઈ રહી છે. આ દુકાનોમાં ફિમેલ ફ્રેન્ડલી દારુ મળશે. આ તમામ આઉટ લેટ્સ મોલમાં ખોલવામાં આવશે. સરકારનો આ નિર્ણય સાંભળીને ભાજપે તેનો વિરોધ શરુ કરી દીધો છે. ભાજપમાના ધારાસભ્ય વિશ્વાસ સારંગે કહ્યું કે મહિલાઓ માટે લીકર શોપ ખોલવાનો મતલબ ભારતીય સંસ્કૃતિની વિરુદ્ધ છે. ’
આ લીકર શોપ એપ્રિલ 2020 સુધીમાં ખુલી જશે
સૂત્રો દ્વારા મળતી માહિતી પ્રમાણે આ લીકર શોપ નવા નાણાકીય વર્ષ એટલે કે એપ્રિલ 2020 સુધીમાં ખુલી જશે. ઉલ્લેખનીય છે કે આ દુકાનોમાં મળતી ફિમેલ ફ્રેન્ડલી દારુ ઘણી મોંઘી હશે. કમલનાથ સરકારના મંત્રી બ્રિજેન્દ્ર સિંહ રાઠોરે કહ્યું કે, આ અંગે અધિકારીઓને મળીને નીતિગત નિર્ણયો લેવામાં આવશે. તેમને તમામની સલાહ લેવામાં આવશે. એ બાદ જ નિર્ણય લઈશું.