30000 રૂપિયાની માસિક સેલેરી અને પ્રોપર્ટી કરોડોની? મધ્યપ્રદેશમાં ઈન્ચાર્જ મદદનીશ ઈજનેર હેમા મીણાનાં આવાસ પર રેડ પડી અને ભ્રષ્ટાચારનો કેસ નોંધાયો.
ભોપાલમાં હાઉસિંગ કોર્પોરેશનની ઈજનેર પર કેસ
રેડ બાદ મળી આવી કરોડોની સંપત્તિ
ઈજનેર હેમા મીણા પર ભ્રષ્ટાચાર કર્યાનો નોંધાયો કેસ
મધ્યપ્રદેશનાં ભોપાલમાં પોલીસ હાઉસિંગ કોર્પોરેશનનાં ઈન્ચાર્જ મદદનીશ ઈજનેર હેમા મીણાનાં આવાસ પર રેડ પાડવામાં આવી છે. આવાસ સહિત અન્ય 3 સ્થળો પર પણ છાપા મારવામાં આવ્યાં જેમાંથીઅત્યારસુધી 5થી 7 કરોડની ચોંકાવનારી સંપત્તિ મળી આવી છે. અત્રે ઉલ્લેખનીય છે કે હેમાની માસિક સેલેરી 30 હજાર રૂપિયા છે અને મળી આવેલી સંપત્તિ તેની સેલેરીથી 232% વધારે છે.હેમા મીણા હાઉસિંગ કોર્પોરેશન ભોપાલમાં ઈન્ચાર્જ મદદનીશ ઈજનેરનાં રૂપમાં કામ કરે છે. તેની સામે સેલેરીથી વધારે સંપત્તિ હોવાનો આ મામલો 2020માં નોંધાયો હતો.
તપાસ બાદ શું શું મળી આવ્યું ?
તપાસ બાદ જાણવા મળ્યું કે હેમા મીણાએ પોતાના પિતા રામસ્વરૂપ મીણાનાં નામ પર બિલખિરિયામાં 20000 વર્ગ ફુટની જમીન ખરીદી છે. તેના પર એક કરોડનાં ખર્ચે આલીશાન બંગલો બનાવ્યો છે. એટલું જ નહીં મીણાએ ભોપાલ, રાયસેન અને વિદિશાનાં વિવિધ ગામડાઓમાં ખેતરો પણ ખરીદ્યાં છે. ટ્રેક્ટર અને મશીનો પણ તેણે ખરીદ્યાં હતાં.
આવકથી 232% વધારે પ્રોપર્ટી
હેમા મીણાએ હાર્વેસ્ટર, વાવણી મશીન, ટ્રેક્ટર અને અન્ય ખેતીનાં ઉપકરણો ખરીદ્યાં છે. રેડ પાડનાર લોકાયુક્તનું કહેવું છે કે હેમા મીણાની વર્તમાન માસિક સેલેરી આશરે 30000 રૂપિયા છે. હેમા મીણાએ જે સંપત્તિ ખરીદી છે તેની કિંમત હેમાની સેલેરીથી 232% વધારે છે. આ ઘટનાને જોતાં હેમાની સામે ભ્રષ્ટાચાર નિવારણ અધિનિયમ હેઠળ કેસ નોંધવામાં આવ્યો છે.