મહામારી / નથી બતાવવા આ દ્રશ્યો, પરંતુ હવે સમય છે સમજવાનો અને સાવચેતીનો

• મધ્ય પ્રદેશના ભોપાલમાં ભયંકર પરિસ્થિતિ 
• એક સાથે 40થી 50 મૃતદેહોના અંતિમ સંસ્કાર 
• તસવીરોથી જાણી શકાય છે મહામારી કેટલી હદે ભયંકર છે

મધ્ય પ્રદેશની તસવીરો, કોરોનાનું વરવું દ્રશ્ય 

ભારતમાં કોરોના વાયરસના હાહાકાર મચી ગયો છે ત્યારે મધ્યપ્રદેશની રાજધાની ભોપાલમાં કોરોના વાયરસના કારણે પરિસ્થિતિ બદથી બદતર થઈ રહી છે. શહેરમાં કોરોના વાયરસના કારણે કેટલાય લોકોને મોત થઈ રહ્યા છે છતાં સરકાર મોતના આંકડામાં રમત રમતી હોવાનું સામે આવ્યું છે. રાજ્યમાં કોરોના વાયરસના કારણે હોસ્પિટલોની સાથે સાથે સ્મશાનોમાં પણ જગ્યા નથી ત્યારે ભોપાલના સ્મશાનમાંથી એવી તસવીરો સામે આવી છે જે હચમચાવી મૂકે છે. 

એક સ્મશાનમાં 70થી વધુના અંતિમ સંસ્કાર 

ભોપાલના સ્મશાનમાં એક સાથે 40 ચિતાઓનું અંતિમ સંસ્કાર કરવામાં આવ્યું હતું જેની ડ્રોન તસવીરો સામે આવી હતી. ભોપાલના ફોટોગ્રાફર સંજીવ ગુપ્તાએ આ દ્રશ્યો કેદ કર્યા હતા. માત્ર ભદભદા સ્મશાન ઘાટમાં જ 72 દર્દીઓના અંતિમ સંસ્કાર કરવામાં આવ્યા હતા. 

રુવાંડા ઊભા કરી દે તેવા દ્રશ્યો 

ભોપાલમાં પરિસ્થિતિ એટલી ભયાવહ છે કે સ્મશાનમાં જગ્યા નથી અને લાકડાઓ નથી મળી રહ્યા. લોકોને કલાકો સુધી રાહ જોવી પડી રહી છે. ભોપાલની તસવીર પરિસ્થિતિ કેટલી ભયંકર છે તેનું વરવું દ્રશ્ય આપે છે. આ તસવીર આખા દેશ માટે ભયાવહ છે. આ તસવીરો એટલી ભયંકર છે કે અમે પણ આ તસવીર બતાવવા નથી માંગતા પરંતુ જે હદે આ મહામારી ફેલાઈ રહી છે તેને જોતાં બતાવવી પડે છે, જો હજુ પણ લોકો સાવચેત ન થયા હોય તો થઈ જવું ખૂબ જરૂરી છે. 

ફોટોગ્રાફરે જે કહ્યું તે જાણીને રડી પડશો 

ફોટોગ્રાફર સંજીવ ગુપ્તાએ મીડિયા સાથે વાતચીતમાં કહ્યું કે મેં ગેસ ટ્રેજેડી પણ કવર કર્યું છે ગેસ કાંડ કરતાં પણ ભયંકર સ્થિતિ જોવા મળી રહી છે. એક એમ્બુયલન્સમાં 8-8, 10-10 ડેડ બોડી લાવવામાં આવી રહી છે. એક સાથે 50-55 મૃતદેહના અંતિમ સંસ્કાર કરવામાં આવ્યા. 

સળગતી ચિતાઓએ ખોલી શિવરાજ સરકારની પોલ 

પરિસ્થિતિ એટલી ભયંકર હતી કે ત્યાં લોકોમાં અફરાતફરી જેવો માહોલ હતો. દીકરાઓને ખબર ન હતી કે તેના પિતાની બોડી કઈ છે. સરકાર કહી રહી છે કે ચાર જ મોત થયા છે જ્યારે એક સાથે 50 બોડીને સળગાવવામાં આવી રહી છે. સંજીવ ગુપ્તાએ કહ્યું આખી રાત ઊંઘ જ ન આવી.