શરમજનક / VIDEO : ભોપાલમાં બસ કંડક્ટરને જોરદાર માર મારીને ભાગ્યો પેસેન્જર, પ્રવાસીઓ તાકતા રહી ગયા

• ભોપાલમાં એનસીસી કેડેટ વિદ્યાર્થીની કરતૂત
• બસમાં કંડક્ટરને જોરદાર માર માર્યો
• કંડક્ટરે પૂરા પૈસા માગતા ઉશ્કેરાયો યુવાન 

ભોપાલમાં એનસીસી કેડેટના એક વિદ્યાર્થીએ બસ કંડક્ટરને જોરદાર માર માર્યો હતો. આ ઘટનાનો એક વીડિયો વાયરલ થયો છે. ભોપાલ પોલીસ મુખ્યાલય બસ સ્ટેન્ડ પરથી એનસીસી કેડેટનો એક વિદ્યાર્થી બસમાં ચડ્યો હતો. તેને જે ઠેકાણે જવાનું હતું તેનું ભાડુ 15 રુપિયા થતું હતું પરંતુ ટિકિટના 15 રુપિયા થતા હોવાથી કંડક્ટરે તેને બીજા પાંચ રુપિયા આપવાનું જણાવ્યું હતું. યુવાનનું કહેવું હતું કે ભાડુ 10 રુપિયા જ થાય છે તેથી તેઓ પાંચ રુપિયા શેના માગી શકે. આ વાતે તેમની બન્નેની વચ્ચે માથાકૂટ થઈ હતી. આથી કંડક્ટરે તેને બસમાંથી ઉતરી જવા ધક્કો માર્યો હતો બસ પછી વિદ્યાર્થી  ઉશ્કેરાયો હતો અને તેણે કંડક્ટરને ધડાધડ લાફા ઝીંકી દેવાનું શરુ કર્યું હતું. વિદ્યાર્થીએ કંડક્ટરને જોરદાર માર માર્યો હતો અને બીજા પ્રવાસીઓ મુક મને જોઈ રહ્યાં હતા. આ ઘટનામાં કંડક્ટરને ખૂબ વાગ્યું છે. 

NCC cadet thrashed city bus conductor in Bhopal, an argument broke out between the bus conductor and the NCC cadet over the difference of 5 rs. bus fare @ndtv @ndtvindia pic.twitter.com/hnA8B08sBw

— Anurag Dwary (@Anurag_Dwary) September 14, 2022

બસમાં લાગેલા સીસીટીવી કેમેરામાં ઝડપાઈ મારામારી 
પોલીસે આ ઘટનામાં વિદ્યાર્થી સામે ફરિયાદ દાખલ કરી છે. આ આખી ઘટના બસમાં લાગેલા સીસીટીવી કેમેરામાં ઝડપાઈ ગઈ હતી. 

વીડિયો થયો વાયરલ
આ ઘટનાનો એક વીડિયો સોશિયલ મીડિયા પર વાયરલ થતા લોકો ભડકી ઉઠ્યાં હતા. એક સરકારી કર્મચારી સાથે ચાલુ ડ્યુટીએ આ પ્રકારનો કેવી રીતે વ્યવહાર કરી શકાય તે વાતને લઈને લોકો મનની ભડાશ કાઢી હતી અને આરોપી વિદ્યાર્થી સામે પગલાં લેવાની વાત કરી હતી.