સિનેમાનાં કારોબારમાં સોમવારનો દિવસ સૌથી વધારે પડકારભર્યો માનવામાં આવે છે. આ દિવસે ફિલ્મને મન્ડે ટેસ્ટ આપવી પડે છે. વીકએન્ડની મસ્તી પૂરી કરી લોકો પોતાના કામ ધંધા પર લાગી જય છે અને સિનેમાઘરોએ પહોંચે છે બસ એ લોકો જેમની પાસે તે દિવસે પણ ખાલી સમય હોય છે. આ વખતે મન્ડે ટેસ્ટ કાર્તિક આર્યન, કિયારા અડવાણી અને તબ્બૂની ભૂલ ભુલૈયા 2ની થઇ. ફિલ્મ મન્ડે ટેસ્ટમાં પાસ પણ થઇ ગઈ. આવો તમને જણાવીએ કે સોમવારે આ ફિલ્મ ઉપરાંત બીજી ફિલ્મોની સ્થિતિ કેવી રહી.
ભૂલ ભુલૈયા 2નું બોક્સ ઓફિસ કલેક્શન
પહેલા વીકએન્ડ પર સૌથી વધારે કમાણી કરનાર ફિલ્મ ભૂલ ભુલૈયા 2 વર્ષ 2022માં રિલીઝનાં પહેલા જ સોમવારના દિવસે સૌથી વધારે કમાણી કરનાર ફિલ્મ બનવાથી ચૂકી ગઈ. આ ફિલ્મે પહેલા ત્રણ દિવસમાં જ ઘરેલૂ બોક્સ ઓફિસ પર 55.96 કરોડ રૂપિયાની કમાણીનો મોટો ધમાકો કર્યો. સોમવારે આ ફિલ્મે શરૂઆતનાં આંકડાના હિસાબે લગભગ 10.20 કરોડની કમાણી કરી છે. આ ફિલ્મનું કુલ નેટ કલેક્શન આ સાથે જ હવે 66 કરોડ રૂપિયાથી ઉપર થઇ ગયું છે. આ સાથે જ આ ફિલ્મ વર્ષનું સૌથી વધારે ઓપનિંગ કલેક્શન કરનાર બોલિવુડ ફિલ્મ બની ચુકી છે.
મહેશબાબૂ બીજા નંબર પર
બીજા નંબર પર સોમવારે અભિનેતા મહેશબાબૂની તેલુગૂ ફિલ્મ 'સરકારુ વારી પાટા' રહી છે. આ ફિલ્મે પોતાની રિલીઝનાં 12માં દિવસે 1.50 કરોડની કમાણી કરી છે. ફિલ્મે પહેલા જ અઠવાડિયામાં 123.15 કરોડનું કલેક્શન કર્યું હતું. બીજા અઠવાડિયનાં ચાર દિવસનાં કલેક્શનનો સરવાળો કરતા અત્યાર સુધીમાં લગભગ 133.34 કરોડ રૂપિયાનું કલેક્શન ફિલ્મ કરી ચુકી છે.
કંગનાની ધાકડ રહી ગઈ પાછળ
સોમવારે બોક્સ ઓફિસ કલેક્શનમાં સૌથી છેલ્લે રહી કંગનાની ધાકડ. આ ફિલ્મની હાલત રિલીઝનાં પહેલા દિવસથી જ ખરાબ રહી છે. ફિલ્મ સોમવારે ઓ મેદાન છોડવાની તૈયારી કરતી જોવા મળી. આ દિવસે આ ફિલ્મનું કલેક્શન કુલ 30 લાખ રૂપિયા રહ્યું. આ ફિલ્મે અત્યાર સુધી માત્ર 3.53 કરોડની કમાણી કરી છે.