વધતા જતા ગુનાહિત બનાવોને કારણે બિહાર પોલીસ વિવેચકો અને વિરોધી પક્ષોના નિશાના પર છે. રાજ્યમાં સુશાસનનો દાવો કરનાર નીતીશ કુમારની જ સરકાર છે, પરંતુ ગુનેગારો નિર્ભયપણે એક પછી એક ગુનાહિત બનાવોને અંજામ આપી રહ્યા છે.
મુફસ્સિલ પોલીસ સ્ટેશન વિસ્તારના આધારપુરની ઘટના
મૃતક મિથલેશ પૂર્ણિયા જિલ્લાનો રહેવાસી છે
બાઈક સવાર શખ્સે મારી ગોળી
હવે સમસ્તીપુર જિલ્લામાં મંગળવારે ગુનેગારોએ ધોળે દાડે ભોજપુરી ફિલ્મના એક અભિનેતાની ગોળી મારીને હત્યા કરી દીધી છે. આ ઘટના જિલ્લાના મુફસ્સિલ પોલીસ સ્ટેશન વિસ્તારની છે. નજીકમાં હાજર લોકોએ પોલીસને ઘટનાની જાણ કરી હતી અને તાત્કાલિક લોહીથી લથબથ અભિનેતાને સારવાર માટે સદર હોસ્પિટલમાં ખસેડ્યો હતો, જ્યાં ડોક્ટરોએ તેને મૃત જાહેર કર્યો હતો.
આ ઘટનાના સંદર્ભમાં કહેવામાં આવે છે કે, ભોજપુરી સિનેમાના કલાકાર મિથિલેશ પાસવાન મંગળવારે તેની બુલેટ પર સવાર થઈને મુફસ્સિલ પોલીસ સ્ટેશન વિસ્તારના આધારપુર ગામ જઈ રહ્યો હતો. તે આધારપુર પંચાયતના ખાદી ભંડાર ચોક પાસે પહોંચ્યો હતો કે બાઇક પર સવાર ઈસમોએ ઓવરટેક કરીને તેની અટકાયત કરી હતી. પછી થોડા સમય સુધી બાઇક સવાર ઈસમો અને મિથલેશ વચ્ચે બોલાચાલી થઈ હતી.
વાતચીત દરમિયાન મિથલેશ ઉપર એક શખ્સે ફાયરિંગ કર્યું હતું. ગોળી એક્ટરની છાતીમાં લાગી. પછી તે જમીન પર પડી ગયો અને બાઈક પર સવાર ઈસમો ત્યાંથી ભાગી ગયા. આસપાસના લોકો દોડીને ઘટના સ્થળે પહોંચી આવ્યા અને પોલીસને ઘટના અંગે સૂચના આપી અને મિથલેશને સારવાર માટે સમસ્તીપુર સદર હોસ્પિટલ ખેસડવામાં આવ્યો. જ્યાં ડોક્ટરોએ તેને મૃત જાહેર કર્યો હતો.
મિથલેશ પૂર્ણિયા જિલ્લાનો રહેવાસી હતો
એવું કહેવામાં આવે છે કે મિથલેશ પૂર્ણિયા જિલ્લાના નયા ટોલાનો રહેવાસી હતો. તે ભોજપુરી ફિલ્મોમાં અભિનય કરવાની સાથે સાથે સમસ્તીપુરની મેડિસિન કંપનીમાં મેડિકલ રિપ્રેઝન્ટેટિવ (એમઆર) તરીકે કામ કરતો હતો. ઘટનાની માહિતી મળ્યા બાદ ડીએસપી પ્રીતિશ કુમાર સદર હોસ્પિટલમાં પહોંચ્યા હતા અને ઘટના સંદર્ભે માહિતી લીધી હતી. તેમણે લૂંટની શક્યતાને નકારી કાઢી હતી અને કહ્યું હતું કે હત્યા કેમ અને કોણે કરી તેની તપાસ કરવામાં આવી રહી છે. ડીએસપીએ ઘટના અંગે જલ્દીથી ખુલાસો કરવા અને આરોપીઓની ધરપકડ કરવા અંગે જણાવ્યું હતું.