ભિંડ જેલમાં શનિવારની વહેલી સવારે 5 વાગે એક દુર્ઘટના થઈ જેમાં બેરેક નંબર 6 ધરાશાયી થતાં 22 કેદી ગંભીર રીતે ઈજાગ્રસ્ત થયા છે.
ભિંડમાં 150 વર્ષ જૂની જેલમાં દુર્ઘટના
સવારે 5 વાગે બેરેક નંબર 6 ધરાશાયી થઈ
22 કેદી ગંભીર રીતે થયા ઘાયલ
મધ્યપ્રદેશના ભિંડ જિલ્લામાં શનિવારે સવારે 5 વાગે દુર્ઘટના બની હતી જેમાં લગભગ 150 વર્ષ જૂની જેલની દિવાલો અચાનક ધરાશાયી થઈ હતી. દિવાલ પડવાથી કુલ 22 કેદીઓ ગંભીર રીતે ઈજાગ્રસ્ત થયા હોવાનું સામે આવી રહ્યું છે.
બેરેક નંબર 6 સંપૂર્ણ રીતે થયો ધરાશાયી
મળતી માહિતી અનુસાર બેરેક નંબર 6 સંપૂર્ણ રીતે ધરાશાયી થયો છે. તેમાં કુલ 64 કેદી હતા. જેલમાં કુલ 255 કેદી હતા. ઘટનાની જાણકારીમાં બેરેક નંબર 6ના કુલ 22કેદીઓ ગંભઈર રીતે ઘાયલ થયા છે. જાણકારી મળતા કલેક્ટર સહિત અનેક અધિકારીઓ સ્થળ પર પહોંચી ગયા છે. દિવાલ પડવાનું કારણ હાલ સુધી જાણી શકાયુ નથી.
શું કહે છે અધિકારીઓ
અધિકારીઓનું કહેવું છે કે ઘટના સવારે 5 વાગ્યે બની હતી. એક સિપાહીએ જોયું કે બેરેક નંબર 6નું પ્લાસ્ટર પડી રહ્યુ છે. તેણે વરિષ્ઠ અધિકારીઓને જાણ કરી અને અન્ય સિપાહીઓને ભેગા કર્યા. જ્યારે બેરેક ખોલવાનું શરૂ કર્યું તો બેરેક નંબર 6 સંપૂર્ણ રીતે પડી ગયું.આ પછી બેરેક નંબર 2ની દિવાલો પણ પડવા લાગી. દિવાલ પડવાથી લગભગ 21 કેદી દબાઈ ગયા હતા. મુશ્કેલી સાથે કેદીઓને બેરેક નંબર 8માં શિફ્ટ કરાયા. ઘટના બની તે સમયે બેરેક નંબર 6માં કુલ 64 કેદી હતા.