OMG! / આ રહસ્યમયી કુંડની ઉંડાઇ નથી જાણી શક્યું કોઇ, કુદરતી આફતમાં થાય છે કંઇક આવું...

દુનિયામાં આજે પણ કેટલાંય એવા રહસ્યો છે કે જેનું રહસ્ય તો વૈજ્ઞાનિકો પણ આજ દિન સુધી નથી જાણી શક્યા. પ્રકૃતિએ પોતાનામાં હજારો રહસ્યોને સમાવેલ છે. ત્યારે આજે પણ હાલમાં એવી ઘણી જગ્યાઓ છે કે જ્યાં જઇને સામાન્ય માણસ જ નહીં પરંતુ વૈજ્ઞાનિક પણ આશ્ચર્યચકિત થઈ જાય છે. ત્યારે આજે અમે એક એવા રહસ્યમયી કુંડને વિશે જણાવીએ છીએ કે જે ભારતમાં જ છે અને આને વિશે એવું કહેવામાં આવે છે કે આ કુંડની ઉંડાઇ આજ દિન સુધી વૈજ્ઞાનિકો (Scientists) પણ નથી માપી શક્યા. આવું જ એક સ્થાન છે મધ્યપ્રદેશનાં સાગર છતરપુર રાષ્ટ્રીય રાજમાર્ગ પર આવેલ ભીમકુંડ (Bhimkund). આ કુંડ ખૂબ જ મોટી ગુફાની અંદર આવેલ છે. આ કુંડનાં નામથી જ ખ્યાલ આવી જશે કે આ કુંડનો ઇતિહાસ મહાભારત કાળ સાથે જોડાયેલી છે.

એવું કહેવામાં આવે છે કે દ્રાપર યુગમાં મહાબલી ભીમે પોતાની ગદાનાં પ્રહારથી આ કુંડનું નિર્માણ કર્યું છે. આ કુંડની ઊંડાઈ આજ દિન સુધી કોઇને ખ્યાલ નથી આવી શકી. ઘણા બધા વૈજ્ઞાનિકો અને મરજીવાઓએ આ કુંડની ઊંડાઈ જાણવાની કોશિશ કરી પરંતુ તેઓ તમામ લોકો નિષ્ફળ રહ્યાં છે. ભીમકુંડ જેટલો જોવામાં અદભુત છે એટલો જ તેનો ઇતિહાસ પણ અનોખો છે.

આ કુંડ ભલે તમને સાધારણ દેખાય પરંતુ આ કુંડ કંઇ સામાન્ય કુંડ જેવો નથી. તેની ખાસિયત આપને વિચારતા કરી દેશે. આ કુંડ વિશે એવું કહેવાય છે કે જ્યારે પણ એશિયાઇ મહાદ્રીપમાં કોઇ મોટી પ્રાકૃતિક આફત આવવાની હોય (પૂર, તોફાન, સુનામી) જેવી તો આ કુંડનું પાણી આપોઆપ વધવા લાગે છે.

આ પ્રદેશનાં પ્રમુખ તીર્થ સ્થાનોમાં પણ આનો સમાવેશ છે. પુરાણમાં આનો ત્રણ વાર ઉલ્લેખ કરવામાં આવ્યો છે. આને 'ભીમકુંડ', 'નારદકુંડ' અને 'નીલકુંડ' પણ દર્શાવવામાં આવેલ છે. આ કુંડ અંગે કહેવાય છે કે એક વાર આ કુંડની ઊંડાઇ માપવા માટે વૈજ્ઞાનિકોએ 200 મીટર ઉંડે સુધી પાણીમાં કેમેરા મોકલ્યા હતાં તેમ છતા તેઓ ઊંડાઇને માપી ના શક્યા.

આ કુંડને વિશે એમ પણ કહેવામાં આવે છે કે આનું પાણી ગંગાની જેમ બિલકુલ પવિત્ર છે અને તે ક્યારેય ખરાબ પણ નથી થતું. જ્યારે સામાન્યતઃ આપણે જોઇએ છીએ કે જ્યારે કોઇ સ્થિર પાણી હોય તે પાણી ખૂબ લાંબા સમય પછી ખરાબ થઇ જતું હોય છે.