ચૂંટણી 2022 / CM યોગીને ટક્કર આપવા આ દિગ્ગજ નેતા ઉતર્યાં મેદાનમાં, ગોરખપુરથી ચૂંટણી લડવાની જાહેરાત

• યુપી વિધાનસભાની ચૂંટણી પહેલા મહત્વના સમાચાર
• CM યોગીની સામે ગોરખપુરથી ચૂંટણી લડશે ચંદ્રશેખર આઝાદ
• આઝાદ સમાજ પાર્ટીએ ચંદ્રશેખર આઝાદનું નામ જાહેર કર્યું 

યુપી વિધાનસભાની ચૂંટણી પહેલા એક મહત્વના સમાચાર આવ્યાં છે. આઝાદ સમાજ પાર્ટીના ચીફ અને યુપીમાં જાણીતો દલિત ચહેરો એવા ચંદ્રશેખર આઝાદ ગોરખપુર બેઠક પરથી CM યોગીની સામે ચૂંટણી લડશે. આઝાદ સમાજ પાર્ટીએ ગોરખપુર બેઠકના ઉમેદવાર તરીકે ચંદ્રશેખર આઝાદનું નામ જાહેર કર્યું છે. હવે આ બેઠકનો મુકાબલો ખૂબ દિલચસ્પ બન્યો છે. ભાજપના રાધા મોહન દાસ અગ્રવાલે 2017માં ગોરખપુર સદરમાંથી 60,000ના માર્જિનથી જીત મેળવી હતી. આ બેઠક ૧૯૮૯ થી ભાજપ પાસે છે. ચીફ ચંદ્રશેખર આઝાદની સાથે આ બેઠકનો મુકાબલો દિલચસ્પ બન્યો છે. Koo App

बाबासाहेब डॉo भीमराव अम्बेडकर जी व मान्यवर कांशीराम साहब जी की विचारधारा ’बहुजन हिताय, बहुजन सुखाय’ को आगे बढ़ाने के लिए मुझे गोरखपुर सदर (322) से ’आजाद समाज पार्टी (कांशीराम)’ का प्रत्याशी घोषित किया गया है। बहुत - बहुत आभार साधुवाद। पिछले 5 साल भी लड़ा हूँ। अब भी लड़ूंगा। जय भीम,जय मण्डल। बहुजन हिताय, बहुजन सुखाय।

View attached media content

- Chandra Shekhar Aazad (@BhimArmyChief) 20 Jan 2022

છેલ્લા પાંચ વર્ષથી લડ્યો છું અને લડતો રહીશ- ચંદ્રશેખર આઝાદ 
આઝાદ સમાજ પાર્ટીએ ગોરખપુર સદર બેઠક પરથી ચંદ્રશેખર આઝાદને ઉમેદવાર જાહેર કર્યાં છે. પાર્ટીના આ નિર્ણય પર ખુશી વ્યક્ત કરતા આઝાદે ટ્વિટ કરીને જણાવ્યું કે ઘણો ઘણો આભાર સાધુવાદ. છેલ્લા પાંચ વર્ષથી લડ્યો છું અને લડતો રહીશ. જય ભીમ-જય મંડલ, બહુજન હિતાય, બહુજન સુખાય.

અખિલેશ અને આઝાદની પાર્ટીનું ગઠબંધન સફળ ન થયું
ઉલ્લેખનીય છે કે ચંદ્રશેખર આઝાદ અખિલેશની સમાજવાદી પાર્ટી સાથે ગઠબંધન કરીને યુપી વિધાનસભાની ચૂંટણી લડવાના હતા.આ માટે આઝાદ બે વાર અખિલેશને મળ્યાં હતા પરંતુ વાતચીત સફળ રહી નહોતી. આઝાદે આરોપ લગાવ્યો હતો કે અખિલેશને દલિત વોટ તો જોઈએ છે પરંતુ દલિત નેતાનો સ્વીકાર નથી. આ પછી સમાજવાદી પાર્ટી અને આઝાદ સમાજ પાર્ટીએ અલગ અલગ ચૂંટણી લડવાની જાહેરાત કરી દીધી હતી.