ખુશખબર / ગ્રાહકો માટે SBIએ શરૂ કરી આ નવી સુવિધા, કાર્ડ અને કેશની ઝંઝટ વિના આ રીતે થશે પેમેન્ટ

• ગ્રાહકો માટે સારાં સમાચાર
• એસબીઆઈ લાવી BHIM-Aadhaar-SBI એપ
• કાર્ડ કે કેશ વિના પણ કરી શકશો પેમેન્ટ

કરાવવું પડશે રજિસ્ટ્રેશન

દુકાનદારોએ આ એપ પર પોતાનું રજિસ્ટ્રેશન કરાવવું પડશે. તેના માટે નામ, સરનામું, ફોન નંબર, આધાર નંબર અને વ્યવસાય સંબંધિત માહિતી અને જે બેંક ખાતામાં તેઓ ચુકવણી મેળવવા માંગતા હોય તે પસંદ કરવાનું રહેશે. ધ્યાન રાખો કે, આ એકાઉન્ટઆધાર સાથે લિંક હોવું જોઈએ. રજિસ્ટ્રેશન પછી, દુકાનદારને ગ્રાહકની ફિંગરપ્રિન્ટ લેવા માટે STQC સર્ટિફાઈડ FP સ્કેનરની જરૂર પડશે. આ સ્કેનરને એન્ડ્રોઈડ મોબાઇલથી કનેક્ટ કરવું પડશે.

Presenting BHIM Aadhaar, an innovative and safer mode of payment. Requires no card or cash. For more details, visit: https://t.co/RwqBYFk1df@NPCI_NPCI @UIDAI #SBI

— State Bank of India (@TheOfficialSBI) January 1, 2020

આ રીતે થશે પેમેન્ટ

દરેક ખરીદી પછી તમારે બસ તમારા બેંકનું નામ સિલેક્ટ કરીને આધાર નંબર અને રકમ દુકાનદારના મોબાઈલમાં એન્ટર કરવું પડશે અને તમારા અંગૂઠાના નિશાનને સ્કેન કરીને પેમેન્ટ પ્રમાણિત કરવાનું રહેશે. આટલું કર્યા બાદ પેમેન્ટ સીધું દુકાનદારના ખાતામાં ટ્રાન્સફર થઈ જશે અને સક્સેસઉફુલી પેમેન્ટ થઈ જવા પર તમને એક એસએમએસ પણ મળશે. 

ગૂગલ પ્લે સ્ટોરમાં ઉપલબ્ધ છે એપ

BHIM-Aadhaar-SBI એપ ગૂગલ એપ સ્ટોરમાં ઉપલબ્ધ છે. આ OS v 4.2-Jelly Bean અને ત્યારબાદ ઓટીજી સપોર્ટવાળા એન્ડ્રોઈડ મોબાઈલને સપોર્ટ કરે છે. આ એપ માત્ર દુકાનદાર, મર્ચેન્ટ, ટ્રેડર્સ, નાના ઉદ્યોગપતિએ ઈન્સ્ટોલ કરી શકે છે.