BIG NEWS / રાજસ્થાનમાં ગુંડાઓનો આતંક: ખુલ્લેઆમ ચાકૂના ઘા મારી યુવકને પતાવી દીધો, માહોલ ખરાબ થતાં ઈન્ટરનેટ સેવા બંધ કરી

• રાજસ્થાનમાં અસામાજિક તત્વોનો ત્રાસ
• ભીલવાડામાં સરેઆમ યુવકની ચાકૂના ઘા મારી હત્યા કરી
• ભારે તણાવની સ્થિતિ ઉત્પન્ન થતાં ઈન્ટરનેટ સેવા બંધ કરી

રાજસ્થાનના ભીલવાડામાં જિલ્લા પ્રશાસને ઈંટરનેટ સેવાઓ 24 કલાક માટે બંધ કરી દીધી છે. મંગળવારે મોડી રાતે એક યુવકની હત્યા બાદ જિલ્લામાં તણાવની સ્થિતિ બનેલી છે. સુરક્ષાના હિસાબે ઈન્ટરનેટ સેવાઓ બંધ કરવાનો નિર્ણય લેવામાં આવ્યો છે. જિલ્લા કલેક્ટર  આશીષ મોદીએ જણાવ્યું હતું કે, ગુરૂવારે 12મેની સવારે 6 કલાક સુધી ભીલવાડામાં ઈન્ટરેન્ટ સેવાઓ બંધ રાખવામાં આવશે. 

ભીલવાડામાં તણાવની સ્થિતિ, ઈન્ટરનેટ સેવાઓ બંધ કરી

ભીલવાડાના શાસ્ત્રીનગરમાં આવેલા ન્યૂ હાઉસિંગ બોર્ડમાં મંગળવારે મોડી રાતે અમુક લોકોએ એક યુવકની ચાકૂ મારીને હત્યા કરી દીધી હતી. આ ઘટનાની જાણ તથા મોડી રાતે મહાત્મા ગાંધી હોસ્પિટલમાં લોકો ભેગા થવા લાગ્યા હતા. જ્યાં તણાવની સ્થિતિ ઉત્પન્ન થઈ હતી. પોલીસના ટોપના અધિકારીઓ ઘટનાસ્થળ પર પહોંચ્યા હતા. સાથે બુધવારે ભીલવાડા બંધ કરવાનું આહ્વાન આપ્યું હતું. ઘટનાને જોતા શહેરને છાવણીમાં તબદીલ કરવામાં આવી હતી. ઠેર ઠેર પોલીસ ફોર્સ તૈનાત કરી દેવામાં આવી હતી. 

ખુલ્લેઆમ જાહેરમાં છાતીમાં ચાકૂના ઘા મારી પતાવી દીધો

કહેવાય છે કે, ભોપાલપુરા રોડ નિવાસી ઓમપ્રકાશ તાપડિયાના 20 વર્ષિય દિકરા આદર્શ તાપડિયાને બુધવારે મોડી રાતે લગભગ સાડા દશ કલાકે અમુક યુવકોએ ન્યૂ હાઉસિંગ બોર્ડમાં બ્રહ્મણીિ સ્વીટ્સની દુકાન બહાર, જ્યારે આદર્શ પહોંચ્યો તો, ઘટના સ્થળ પર અમુક લોકોએ તેના પર ચાકૂ વડે હુમલો કર્યો હતો.જે બાદ યુવક લોહીલુહાણ થઈ ગયો અને રસ્તો પર જ પડ્યો રહ્યો હતો. ઘટના બાદ હુમલાખોરો નાસી છુટ્યા હતા. અમુક રાહદારીઓએ યુવકને લઈને હોસ્પિટલ પહોંચ્યો તો, ડોક્ટરે તેને મૃત જાહેર કર્યો હતો. યુવકના મોતનું કારણ છાતીમાં ચાકૂ વાગ્યું હોવાનું કહેવાય છે.