દેશની જાહેર ક્ષેત્રની કંપની BHELમાં નોકરી કરવાની તક છે. આ નોકરી માટે ફ્રેશર્સ પણ અરજી કરી શકે છે. કંપનીએ જાહેરાત જાહેર કરી છે. આવો તમને જણાવીએ આ જગ્યા માટે તમે કેવીરીતે અરજી કરી શકો છો.
દેશની જાહેર ક્ષેત્રની કંપની BHELમાં નોકરી કરવાની તક
એન્જિનિયર ટ્રેની અને એક્ઝિક્યુટીવ ટ્રેનીની જગ્યા પર ભરતી કાઢી
નોકરી માટે કોઈ પણ ફ્રેશર્સ પણ અરજી કરી શકે છે
ભેલે કુલ 150 જગ્યા માટે જાહેરાત બહાર પાડી
દેશની જાહેર ક્ષેત્રની નામી કંપનીઓમાંથી એક ભારત હેવી ઇલેક્ટ્રીક્સ લિમિટેડે એન્જિનિયર ટ્રેની અને એક્ઝિક્યુટીવ ટ્રેનીની જગ્યા પર ભરતી કાઢી છે. ભેલે આ ભરતી પોતાાના નવી દિલ્હી કોર્પોરેટ ઑફિસના માધ્યમથી કાઢી છે. કંપનીએ કુલ 150 જગ્યા માટે જાહેરાત કરી છે. જો તમે તેના માાટે અરજી કરવા માંગો છો તો અહીં તેની સંપૂર્ણ પ્રક્રિયા જણાવવામાં આવી રહી છે.
150 જગ્યા પર ભરતી
ભેલના જાહેરાત નંબર (01/2022) મુજબ, કંપનીએ કુલ 150 જગ્યા પર ભરતી માટે નોટીસ જાહેર કરી છે. આ પદો માટે સિવિલ, મિકેનિકલ, આઈટી-કોમ્પ્યુટર સાયન્સ, ઈલેક્ટ્રીકલ, કેમિકલ અને મેટલર્જી એન્જિનિયરિંગમાં કુલ 120 એન્જિનિયર ટ્રેનીની ભરતી કરવાની છે. આ ઉપરાંત ફાઈનાન્સ અને એચઆર ડિપાર્ટમેન્ટમાં કુલ 30 જગ્યા માટે યોગ્ય ઉમેદવારોની પસંદગી કરવાની છે. આ જગ્યા પર ફ્રેશર્સને પણ તક આપવામાં આવશે.
આ રીતે કરો અરજી
આ જગ્યા પર અરજી કરવા માટે અરજદાર ભેલની સત્તાવાર વેબસાઈટ careers.bhel.in પરથી ભરતી જાહેરાત ડાઉનલોડ કરી શકે છે અને સીધુ ઑનલાઈન અરજી કરી શકે છે. સૌથી પહેલા તમારે રજીસ્ટ્રેશન કરાવવુ પડશે. ફોર્મને એપ્લાય કરવા માટે તમારે 800 રૂપિયા ફી ચૂકવવી પડશે. તો એસસી, એસટી અને દિવ્યાંગ અરજદારો માટે ફી 300 રૂપિયા છે. તમે ઓનલાઈન પણ ફી પેમેન્ટ કરી શકો છો. આ જગ્યાઓ માટે અરજી 13 સપ્ટેમ્બરથી શરૂ થઇ ગઇ છે. તો તેની છેલ્લી તારીખ 4 ઓક્ટોબર છે.