બોક્સ ઓફિસ / થિયેટરમાં 'ભીડ' એકઠી કરવામાં ફેલ રહી કોરોનાકાળ પર બનેલ ફિલ્મ 'Bheed', પહેલા દિવસે કરી બસ આટલી કમાણી

• ફિલ્મ 'ભીડ' નું ઓપનિંગ આટલું ખાસ રહ્યું નથી
• ટ્રેલર જોયા પછી આશા હતી કે ફિલ્મ ઘણી સારી કમાણી કરશે
• પહેલા દિવસે બોક્સ ઓફિસ પર ફિલ્મ 'ભીડ' એ આટલી કમાણી કરી 

રાજકુમાર રાવ અને ભૂમિ પેડનેકરની લોકડાઉન પર આધારિત ફિલ્મ 24 માર્ચે થિયેટરમાં રિલીઝ કરવામાં આવી છે. અનુભવ સિન્હા દ્વારા ડિરેક્ટ કરવામાં આવેલ મોસ્ટ અવેઈટેડ ફિલ્મ 'ભીડ' એ સમયની વાર્તા છે જ્યારે પ્રવાસી કામદારો લોકડાઉનમાં અટવાઈ ગયા હતા અને પરત જવાનો પ્રયાસ કરી રહ્યા હતા. ફિલ્મ 'ભીડ' માત્ર કોરોના મહામારીની પીડા અને સંઘર્ષની યાદ નથી અપાવતી પણ આ ફિલ્મ ભારતના ભાગલા સાથેના સમયને જોડવા માટે વિવાદમાં ફસાઈ ગઈ હતી. 

ચાહકો અને વિવેચકો તરફથી સકારાત્મક પ્રતિસાદ મળ્યા પછી પણ, ફિલ્મ 'ભીડ' નું ઓપનિંગ આટલું ખાસ રહ્યું નથી. જો કે આગામી દિવસોમાં વધુ કમાણી થવાની ધારણા છે. બોક્સ ઓફિસ ઈન્ડિયાના જણાવ્યા અનુસાર, ફિલ્મના બજેટ પ્રમાણે ફિલ્મની પહેલા દિવસની કમાણી ઘણી ઓછી છે. ટ્રેલર જોયા પછી આશા હતી કે ફિલ્મ ઘણી સારી કમાણી કરશે પણ બજેટની સરખામણીમાં ફિલ્મને પહેલા દિવસે કઈં ખાસ કલેક્શન થયું નથી.

50% Growth expected today for #Bheed, as it has received positive reviews from almost everyone……

Friday was ₹15 Lakhs
Saturday Expectations ₹22.5 Lakhs… @anubhavsinha #AnubhavSinha #BheedBoxOfficeCollections #BoxOffice

— Rohit Jaiswal (@rohitjswl01) March 25, 2023

વિવેચકોએ ફિલ્મ 'ભીડ'ની પ્રશંસા કરી છે અને સોશિયલ મીડિયા પર પણ ફિલ્મની પ્રશંસા કરવામાં આવી છે. આ હોવા છતાં, ફિલ્મની શરૂઆત ખૂબ જ ઠંડી હતી અને તેને થિયેટરોમાં નજીવા દર્શકો મળ્યા હતા. પહેલા દિવસે બોક્સ ઓફિસ પર ફિલ્મ 'ભીડ' એ ભારતમાં આશરે 15 લાખનું જ કલેક્શન કરી શકી છે. 

ફિલ્મ 'ભીડ'માં રાજકુમાર રાવ, પંકજ કપૂર, ભૂમિ પેડનેકર, આશુતોષ રાણા અને દિયા મિર્ઝા છે. આ ફિલ્મમાં વીરેન્દ્ર સક્સેના, આદિત્ય શ્રીવાસ્તવ, કૃતિકા કામરા અને કરણ પંડિત પણ છે. આ ફિલ્મ 24 માર્ચ 2023ના રોજ સિનેમાઘરોમાં રિલીઝ થઈ હતી.