તારક મહેતા...માં ટપૂસેનાનું એક આગવું સ્થાન છે. દર્શકો પણ તેમની હરકતને ખુબ પસંદ કરે છે અને મુશ્કેલ સમયમાં તે જે રીતે એક્ટ કરે છે તે પણ ફેન્સને ખુબ ગમે છે.
ટપૂસેનામાં રહેલા બે પાત્રો હકીકતમાં એકબીજાના ભાઇ છે અને તેમની વચ્ચે બોન્ડિંગ પણ ખુબ કમાલ છે. ટપૂસેનાના દરેક તોફાન અને તેના લીધે સોસાયટીમાં થતી ઉથલપાથલ લોકોને ખુબ પસંદ આવે છે.
ટપ્પૂ અને ગોગી છે ભાઇ
2008થી 2017 સુધી ટીપેન્દ્ર જેઠાલાલ ગડાનું પાત્ર ભજવનાર ભવ્ય ગાંધી અને સોઢીનો દિકરો ગોગી સમય શાહ એકબીજાના ભાઇ છે.
ભવ્યની માસીનો દિકરો ગોગી
ભવ્ય ગાંધીનો જન્મ એક ગુજરાતી જૈન ફેમિલીમાં થયો છે. તેના પિતા વિનોદ ગાંધી એક બિઝનેસમેન હતા અને તેની માતા યશોદા ગાંધી હાઉસવાઇફ છે. સમય શાહ એટલે કે ગોગી ભવ્યની માસીનો દિકરો છે.
ભવ્ય ગાંધીએ 9 વર્ષ સુધી તારક મહેતા...માં ટપૂ તરીકે કામ કર્યુ અને બાદમાં તેણે શો છોડી દીધો છે પરંતુ ગોગી હજુ પણ ટપૂસેનાનો હિસ્સો બનેલો છે. ભવ્ય અને સમય વારંવાર એકબીજા સાથે જોવા મળે છે અને બંનેના વીડિયોઝ પણ સોશ્યલ મિડીયા પર વાયરલ થતા રહે છે.
9 મેના રોજ ભવ્યની માસીની દીકરી અને 'તારક મહેતા કા ઉલ્ટા ચશ્મા'માં ગોગીની ભૂમિકા ભજવી રહેલા શાહના બહેનના લગ્ન હતા. જો કે, પિતાની તબિયત ખરાબ હોવાને કારણે, ભવ્ય અને તેના પરિવારના લોકો મુંબઈમાં હોવા છતાં આ લગ્નમાં શારીરિક રીતે સામેલ થયા ન હતા. તેમણે વર્ચ્યુઅલ રીતે સમારોહમાં ભાગ લીધો હતો.
4 વર્ષ પહેલા ભવ્ય એ છોડ્યું તારક મહેતા...
ભવ્ય ગાંધીએ 4 વર્ષ પહેલા તારક મહેતા કા ઉલ્ટા ચશ્માને અલવિદા કહ્યું હતું. તે 2008માં શોમાં સામેલ થયો હતો અને આશરે 9 વર્ષ સુધી તે આ શોનો હિસ્સો રહ્યો છે.