ટ્રાવેલ / ગુજરાતમાં આવેલું છે એવું રમણીય મંદિર કે જોઈને ખુશ થઇ જશો, રસપ્રદ છે પૌરાણિક ઈતિહાસ

એવું કહેવાય છે કે આ મંદિરમાં આદિકાળમાં સ્વયંભૂ શિવલીંગ પ્રગટ થયું હતું.

ક્યાં આવેલું છે આ મંદિર?

જૂના ભવનાથ મંદિર સાબરકાંઠા જિલ્લામાં આવેલા ભિલોડા તાલુકાના મઉ ગામ ખાતે આવેલું એક પ્રાચીન મંદિર છે. તાલુકા મથક ભિલોડાથી આશરે ૬ કિલોમીટર જેટલા અંતરે આ સ્થળ આવેલું છે. 

રસપ્રદ છે અહીંનો ઇતિહાસ

 વર્ષો પહેલાં અહીં દેશણ નામનું ગામ હતું. આ ગામમાં તપોધન બ્રાહ્મણો રહેતા હતા એમ કહેવાય છે. 

લગભગ 1300 વર્ષ જૂનું હોવાનો આધાર અહીં આવેલ શિલાલેખ પરથી મળે છે. ભવનાથનું નામ ભૃગુકુંડને લીધે જાણીતું છે. આ કુંડમાં બારેમાસ પાણી રહે છે અને કહેવાય છે કે આ કુંડનું પાણી ગંગા નદીની જેમ પવિત્ર છે. આ કુંડની માટીથી સ્નાન કરવાથી કોઢનો રોગ મટે છે એવી સ્થાનિક માન્યતા છે. 

આ મંદિરો આવેલા છે

આ સ્થળ પર મહાદેવનું મંદિર તથા ભૃગુઋષિના પુત્ર અવનઋષિનું મંદિર પણ આવેલ છે. 

શું છે જોવા જેવું?

આ સ્થળ હાથમતી નદી પરના બંધના તટ ઉપર અને ડુંગરોની વચ્ચે દર્શનીય સ્થાન પર આવેલું છે. શ્રાવણ માસના છેલ્લા સોમવારે તેમજ શિવરાત્રિના દિવસે મેળો ભરાય છે. આ મેળામાં મોટી સંખ્યામાં લોકો આવે છે.

વર્ષઋતુમાં અહીંને સડકની બંને બાજુ પાણી ભરાઈ જાય છે જ્યાંથી સાંકડી કેડી ઉપર વાહન ચલાવીને મંદિરમાં પહોંચી શકાય છે. આ ખૂબ રમણીય યાત્રા છે.