ભાવનગરઃ પિરમબેટ ટાપુ પર બોટમાં બ્લાસ્ટઃ 50 સેકેન્ડમાં જળસમાધી 4ના મોતની આશંકા

ભાવનગરઃ ઘોઘાની સામેના છેડે પિરમબેટ ટાપુ પર એન્કરિંગ પોઇન્ટ પર વરૂણ નામની ટગમાં અચાનક બ્લાસ્ટ થતા 4 જેટલા લોકોના મોતની આશંકા વ્યક્ત થઈ રહી છે. ડીઝલ સપ્લાય સમયે આ સમગ્ર ઘટના બની હતી. પીરમબેટ ટાપુ પાસે આ બનાવ બનતા અફરાતફરી સર્જાઈ હતી. બોટમાં બ્લાસ્ટ થવાની સાથે જ બોટ ડૂબી ગઇ હતી.

મળતી માહિતી અનુસાર ભાવનગરના ઘોઘા પાસે દરિયાકિનારે બોટ ભાડુ લઇને જવાની તૈયારીમાં હતી ત્યારે બ્લાસ્ટ થયો છે. આ બોટમાં કુલ દસ લોકો હોવાની આશંકા દર્શાવાય રહી છે. જ્યારે કેટલાક લોકો દાઝી ચુક્યા છે. ચાર લોકો લાપતા થયા છે જ્યારે ત્રણ લોકો દાઝી ગયા છે. તેમને બોટના સહારે તેમને પીએસસી સેન્ટરમાં સારવાર અર્થે ખસેડવામાં આવ્યા છે.



જ્યારે અન્ય લાપતા લોકોની મરીન પોલીસ દ્વારા દરિયામાં શોધખોળ હાથ ધરાઇ છે. જોકે જીએમબીના અધિકારીઓ પણ દોડી આવ્યા છે. આ બોટમાં દસથી વધુ લોકો હોવાની આશંકા છે.

બોટની સમગ્ર ઘટનાનો વીડિયો કેમેરામાં કેદ થયો છે. વીડિયોમાં બોટને ડૂબતી જોઇને આસપાસના લોકો બૂમો પાડી રહ્યા છે. જ્યારે આ બો માત્ર 50 સેકેન્ડની અંદર દરિયામાં ડૂબી જાય છે.