Paper Leak / ભાવનગર યુનિવર્સિટીનું B.Comનું પેપર મોબાઇલમાંથી લીક થયાનો દાવો, ઈન્ચાર્જ પ્રિન્સિપાલની અટકાયત

• ભાવનગર યુનિવર્સિટીનું B.Comનું પેપર લીક થવા મામલે મોટો ખુલાસો
• જી.એલ.કાકડીયા કોમર્સ કોલેજના ઇન્ચાર્જ પ્રિન્સિપાલના મોબાઈલમાંથી પેપર લીક થયુ
• પોલીસે જી.એલ.કાકડીયા કોલેજના અમિત ગાલાની અટકાયત કરી
• કાળવીબીડ અને ભરતનગરના વિદ્યાર્થીઓની પણ અટકાયત
• વાલી સાથે વાત કરવા ફોન આપતા વિદ્યાર્થીએ ફોટો વાયરલ કર્યાનો અમિત ગાલાનો બચાવ

ભાવનગર મહારાજા કૃષ્ણકુમારસિંહજી યુનિવર્સિટીમાં ચાલતી પરિક્ષાઓમાં ગત શનિવારે બપોરે એક પેપર લીક થયાનો દાવો થતા સત્તાધીશો હરકતમાં આવ્યા છે. આ તરફ હવે ઇન્ચાર્જ પ્રિન્સિપાલ અમિત ગાલાના મોબાઈલમાંથી પેપરલીક થયુ હોવાનું સામે આવતા હડકંપ મચી ગયો છે. જેને લઈ હવે પોલીસ દ્વારા  જી.એલ.કાકડીયા કોલેજના અમિત ગાલાની સાથે કાળવીબીડ અને ભરતનગરના વિદ્યાર્થીઓની અટકાયત કરી વધુ તપાસ હાથ ધરાઇ છે . 

ભાવનગર યુનિવર્સિટી પેપર લીક મામલે મોટા સમાચાર સામે આવ્યા છે. વાત જાણે એમ છે કે, ભાવનગર મહારાજા કૃષ્ણકુમારસિંહજી યુનિવર્સિટીમાં ચાલતી પરિક્ષાઓમાં ગત શનિવારે બપોરે એક પેપર લીક થયાનો દાવો થતા સત્તાધીશો હરકતમાં આવ્યા હતા. આ મામલો પોલીસ મથક સુધી પહોંચી ગયો હતો. મહત્વનું છે કે, ભાવનગર યુનિવર્સીટીમાં શનિવારે બપોરે 3 વાગે બી કોમનું સેમેસ્ટર-6નું પેપર હતું. જે પેપર થોડા સમય પહેલા જ મોબાઈલમાં વાયરલ થયો છે તેવો દાવો વિદ્યાર્થી નેતા યુવરાજસિંહ દ્વારા કરવામાં આવ્યો હતો. 

મોબાઈલમાંથી પેપરનો ફોટો લીક થયાનુ બહાર આવ્યું
આ તરફ વિદ્યાર્થી નેતા યુવરાજસિંહ દાવા બાદ તપાસ તેજ બનતા પોલીસે પણ કવાયત શરૂ કરી હતી. આ દરમિયાન જી.એલ.કાકડીયા કોમર્સ કોલેજના ઇન્ચાર્જ પ્રિન્સિપાલના મોબાઈલમાંથી પેપર લીક થયુ હોવાનું ખૂલતાં હડકંપ મચી ગયો છે. આ તરફ હવે પોલીસે જી.એલ.કાકડીયા કોલેજના અમિત ગાલાની અટકાયત કરી છે. આ સાથે કાળવીબીડ અને ભરતનગરના વિદ્યાર્થીઓની પણ અટકાયત કરી તપાસ શરૂ કરી છે. આ તરફ અમિત ગાલાએ વાલી સાથે વાત કરવા ફોન આપતા વિદ્યાર્થીએ ફોટો વાયરલ કર્યાનો બચાવ કર્યો હોવાનું આવ્યું છે. 

યુનિવર્સીટીના સતાધીશો આજે પ્રેસ કરશે ? 
ભાવનગર યુનિવર્સીટીમાં પેપર લીક થવાનો મામલે વધુ એક મોટા સમાચાર સામે આવ્યા છે. વાત જાણે એમ છે કે, યુનિ.ના ઉપકુલપતિ અને રજીસ્ટાર આજે યુનિવર્સીટીમાં હાજર થશે. યુનિવર્સીટી અધિકારીઓ દિલ્લી સેમિનારમાં ગયા હોવાને કારણે પરીક્ષા નિયમકે પેપર લીક માટે પોલીસમાં જાણ કરી હતી. નોંધનીય છે કે, યુનિવર્સીટીના સતાધીશો આજે પ્રેસ કરી વધુ વિગત જાહેર કરે તેવી શક્યતાઓ છે. 

ભાવનગર યુનિમાં પેપર લીક મામલે યુવરાજસિંહે શું કહ્યું ? 
સમગ્ર મામલે હવે યુવરાજસિંહનું નિવેદન સામે આવ્યું છે. યુવરાજસિંહે કહ્યું કે, અમિત ગલાણી મને મળવા આવ્યા હતા. અમિત ગલાણીએ મને કહ્યુ હતુ કે મારા મોબાઈમાંથી ફોટો વાયરલ થયો છે. યુવરાજસિંહે કહ્યું કે મને અમિત ગલાણીએ કહ્યુ હતુ કે,  મારા મોબાઈલમાંથી વિદ્યાર્થીએ ફોટો વાયરલ કર્યો હતો. આ સાથે યુવરાજસિંહે કહ્યું કે, આશા રાખીએ કે સત્ય સામે આવે. 

વિદ્યાર્થી નેતા યુવરાજસિંહે કર્યું ટ્વીટ
વિદ્યાર્થી નેતા યુવારાજસિહ વોટ્સએપના સ્ક્રીન શોટ લઇને પોતે ટ્વીટ કર્યું હતું. આ પેપર લીકના મામલે યુનિવર્સિટીનું તંત્ર હવે જાગ્યું છે અને સમગ્ર મામલો પોલીસ સ્ટેશન સુધી પહોંચ્યો છે અને અરજી આપી તપાસની માંગ કરી છે. તેમજ સત્તાધીશો દ્વારા 3 સભ્યોની કમિટી બનાવી છે આ કમિટીમાં રજીસ્ટાર અને 2 ઈસી સભ્યોનો પણ સમાવેશ કરવામાં આવ્યો છે. આ કમિટી જે 10 દિવસમાં અહેવાલ ઉપકુલપતિને રજૂ કરશે. આ ઉપરાંત યુનિવર્સિટીના સંચાલકોએ 14 સેન્ટરો કે, જ્યાં પરીક્ષા લેવાય છે ત્યાંના સીસી ટીવી ફૂટેજ પણ પોલીસને આપ્યા છે. 

#MKBU (મહારાજા કૃષ્ણકુમારસિંહજી ભાવનગર યુનિ.) ની પરીક્ષા હતી જેમાં FINANCE & ACCOUNTS-XII(MANEGEMENT ACCOUNTING-||) નું પેપર હતું.

સમય -૩:૩૦ થી ૬:૦૦

જાગૃત વિદ્યાર્થી દ્વારા મળતી માહિતી પ્રમાણે પેપર શરૂ થયા #અગાઉ પેપર વિવિધ વોટ્સ એપ નંબરો ઉપર વાઇરલ હતું.

વોટ્સ એપ ઉપર જે વાઇરલ pic.twitter.com/UIt0FzR10K

— Yuvrajsinh Jadeja (@YAJadeja) April 2, 2023

કુલ 2700 વિદ્યાર્થીઓ પરીક્ષા આપી હતી
ભાવનગર યુનિવર્સિટીની આ પરીક્ષામાં કુલ 2700 વિદ્યાર્થીઓ પરીક્ષા આપી હતી જેમાં બોટાદ કેન્દ્રનો પણ સમાવેશ થાય છે. પોલીસે હવે તપાસ હાથ ધરી છે. બીજી બાજુ એબીવીપી અને એનએસયુઆઈ દ્વારા આ મામલે પરીક્ષા નિયામકને આવેદનપત્રો આપીને પેપર લીક કરનારા સામે કડક કાર્યવાહી કરવાની માંગ કરાઈ છે તેમજ એનએસયુઆઈએ આ પરીક્ષા રદ કરવા પણ માંગ કરી છે.  સમગ્ર મામલો યુનિવર્સિટીના સત્તાધીશોનું કહેવું છે કે, હવે સમગ્ર મામલો પોલીસને સોંપી દેવાયો છે અને પોલીસ આગળની તપાસ હાથ ધરશે.